ओंकार कदम 
सातारा : मराठा आरक्षणासाठी आंदोलन सुरु आहेत. यासाठी मराठा समाज आक्रमक झाला असून यासाठी आंदोलन उभारणारे मनोज जरांगे पाटील यांच्याबाबत (Chagan Bhujbal) छगन भुजबळांनी जालना येथे केलेल्या वक्तव्याचा निषेध केला जात आहे. या विरोधात सातारा जिल्ह्यातील नायगावमध्ये (maratha Aarkshan) मराठा समाजातर्फे छगन भुजबळ यांचा पुतळा जाळण्यात आला. तर नाशिकच्या येवला येथे प्रतीकात्मक अंत्ययात्रा काढण्यात आली. (Breaking Marathi News)

सातारा जिल्ह्यातील कोरेगाव तालुक्यातील नायगाव येथे महाराष्ट्र राज्याचे मंत्री छगन भुजबळ यांचा पुतळा जाळण्यात आला आहे. यावेळी मोठ्या प्रमाणावर मराठा बांधव एकत्रित येऊन संपूर्ण गावांमध्ये छगन भुजबळ यांच्या प्रतिकात्मक पुतळ्याची मिरवणूक काढून ग्रामपंचायत नायगाव येथे प्रतिकात्मक पुतळा जाळण्यात आला. यावेळी मोठ्या प्रमाणावर घोषणा देण्यात आल्या त्यामुळे पुन्हा एकदा मराठा आरक्षणाचा मुद्दा गावोगावी पेटताना दिसून येत आहे याबाबतचा घेण्यात आलेला हा आढावा.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

येवल्यात राजकीय अंत्ययात्रा
मंत्री छगन भुजबळ यांच्या पारंपारिक मतदारसंघ असलेल्या नाशिकच्या येवला मतदार संघात भुजबळांविरोधात चांगलेच वातावरण तापू लागले आहे. छगन भुजबळांनी जालना येथे मनोज जरांगे विरोधात केलेल्या वक्तव्याचा निषेध करत आज त्यांची प्रतिकात्मक राजकीय अंत्ययात्रा काढण्यात आली. यावेळी छगन भुजबळ चले जाव, छगन भुजबळ मुर्दाबाद, मनोज जरांगे पाटील आगे बढो हम तुम्हारे साथ है... अशा प्रकारची जोरदार घोषणाबाजी करण्यात आली छगन भुजबळांच्या प्रतिमेला जोडे मारून प्रतिमा जाळण्यात आली.