Santosh Deshmukh Case : संतोष देशमुख यांच्या हत्या प्रकरणात बीडच्या कोर्टात युक्तीवाद पूर्ण झाला आहे. कोर्टाने वाल्मीक कराडला ७ दिवसांची SIT कोठडी मिळाली आहे. २२ जानेवारीपर्यंत कराड SIT पोलीस कोठडीमध्ये राहणार आहे. कोर्टाच्या निर्णयामुळे वाल्मीक कराडच्या अडचणीत वाढ झाली आहे. खंडणी प्रकरणातील पोलीस कोठडीची मुदत संपल्यानंतर कराडला कोर्टाने न्यायालयीन कोठडी सुनावली होती.

बीडच्या मस्साजोगचे सरपंच संतोष देशमुख यांच्या हत्या प्रकरणात बीडच्या कोर्टात युक्तीवाद झाला. खंडणी प्रकरणात अटकेत असलेल्या वाल्मीक कराडला १० दिवसांची पोलीस कोठडी देण्यात यावी अशी मागणी एसआयडीने केली होती. युक्तीवादादरम्यान न्यायाधीशांसमोर एसआयटीने हत्या प्रकरणाबाबत अनेक गोष्टी स्पष्ट केल्या. एसआयटीने कोर्टासमोर ९ बाबी मांडल्या.

संतोष देशमुख यांचे अपहरण करण्यासाठी आरोपींनी कट रचला. अपहरणाआधी तीन आरोपींमध्ये फोनवरुन चर्चा झाली. १० मिनिटे त्यांचा फोनवर संवा सुरु होता. याशिवाय हत्येच्या दिवशी वाल्मीक कराडने संतोष देशमुख यांना धमकी दिली होती असे एसआयटीने सांगितले. हे संघटित गुन्हेगारीचे प्रकरण असल्याने आरोपींवर मकोका लावण्यात आला. एसआयटीच्या टीमने वाल्मीक कराडने केलेल्या गुन्ह्यांची यादी सादर केली.

बीड कोर्टातील सुनावणीसाठी न्यायाधीश, वकील आणि आरोपी उपस्थित होते. हत्या प्रकरणातील आरोपी कृष्णा आंधळे अजूनही फरार आहे. त्याला लपण्यासाठी कोणी मदत केली याचा तपास घेण्यासाठी पोलीस कोठडी गरजेची असल्याचे एसआयटीने सांगितले. आरोपींमधील चाटे, घुले आणि वाल्मीक कराड यांच्यामध्ये कसले संबंध आहेत याचाही तपास करायचा आहे असे एसआयटीने कोर्टासमोर सांगितले.