हा चेहरा नीट पाहा... हा आहे सामाजिक न्याय मंत्री संजय शिरसाट यांचा मुलगा सिद्धांत शिरसाट.....याच सिद्धांत शिरसाटने फसवणूक करुन मानसिक आणि शारिरिक छळ केल्याचा गंभीर आरोप महिलेनं केलाय.. मात्र हे आरोप काय आहेत? पाहूयात...

शिरसाटांच्या पोरावर महिलेचे आरोप

14 जानेवारी 2022 ला बौद्ध पद्धतीनं लग्न

सिद्धांतकडून महिलेचा जबरदस्तीने गर्भपात

पोलिसांकडे गेल्यास आत्महत्येची धमकी

महिलेचं कुटुंब गुंडांकडून संपवण्याची धमकी

संजय शिरसाटांनी राजकीय वजन वापरुन प्रकरण दाबलं

एवढंच नाही तर पीडित महिलेनं वकील चंद्रकांत ठोंबरेमार्फत सिद्धांत शिरसाटला कायदेशीर नोटीस पाठवलीय...

खरंतर जान्हवी शिरसाट नावाच्या महिलेनं 5 महिन्यांपुर्वी सिद्धांत शिरसाटविरोधात पोलीसात तक्रार केली.. मात्र तब्बल 5 महिन्यानंतरही तक्रारीची दखलच घेतली नाही.. त्यामुळे मंत्र्यांसाठी एक आणि सर्वसामान्यांसाठी दुसरा असा न्याय का? असा सवाल विरोधकांनी उपस्थित केलाय...

मंत्र्यांच्या मुलाला वेगळा न्याय आहे का? असा सवाल सुषमा अंधारे यांनी केला.

एकनाथ शिंदेंचं नाव वापरुन धमक्या दिल्याचं माजी खासदार इम्तियाज जलील यांनी सांगतलं.

सामाजिक न्याय मंत्र्यांच्या घरातच महिलेला न्याय मिळत नसेल तर ही शोकांतिका आहे... कारण डिसेंबरमध्ये तक्रार झाल्यानंतरही हे प्रकरण धुळ खात पडून आहे... त्यावर साम टीव्हीने सवाल उपस्थित केलेत....

सामचे सवाल

- डिसेंबरमध्ये केस फाईल झाल्यानंतर कारवाई का नाही?

- पोलिसांवर कोणाचा दबाव होता?

- आरोप मागे घ्यायला संजय शिरसाटांनी दबाव आणला का?

- शिरसाट पूर्ण प्रकरणावर गप्प का?

- अद्याप सिद्धांतची चौकशी का झाली नाही?

दुसरीकडे या प्रकरणाचे मंत्रिमंडळ बैठकीतही पडसाद उमटले...शिरसाट यांच्या मुलाकडे धमकावण्यासाठी वापरलेली बंदूक कुठून आली? त्याच्याकडे बंदूकीचं लायसन्स आहे का? असे प्रश्न उपस्थित करण्यात आले... त्यामुळे जगाला ब्रह्मज्ञान सांगणाऱ्या सामाजिक न्याय मंत्र्याच्या घरातच महिलेला न्याय मिळत नसेल तर ही मोठी शोकांतिका आहे.