राज्यात राजकीय घडामोडींना वेग आला आहे. राज ठाकरे आणि उद्धव ठाकरे यांच्या युतीची जोरदार चर्चा सुरु झाली आहे. दोघेही बंधू युतीसाठी सकारात्मक असल्याचं बोललं जात आहे. संजय राऊत यांनीही युतीच्या चर्चांना दुजोरा दिला आहे. राज ठाकरे यांनी उद्धव ठाकरे यांच्याकडे युतीचा प्रस्ताव ठेवल्याने राजकीय वर्तुळात चर्चांना उधाण आलं आहे. राज ठाकरेंनी आता मन मोकळं केलं आहे. ही रक्ताची नाती आहेत, अशी प्रतिक्रिया संजय राऊत यांनी राज ठाकरे यांच्या युतीच्या प्रस्तावावर दिली आहे.

राज ठाकरे यांनी युतीचा प्रस्तावर दिल्यानंतर उद्धव ठाकरे यांनी भाष्य केलं. उद्धव ठाकरेंनी हात पुढे केला, मात्र एक अट देखील ठेवली. राज ठाकरे यांच्या प्रस्तावर संजय राऊत म्हणाले, 'राज ठाकरे यांनी मांडलेली भूमिका हिताची आहे. आमची भूमिका देखील महाराष्ट्र हिताची आहे. राज ठाकरे आणि उद्धव ठाकरे यांनी केलेलं वक्तव्य मी ऐकलं आहे. आम्ही आता सकारात्मक भूमिकेतून पाहत आहोत. माझी आणि उद्धव ठाकरे यांची चर्चा झाली आहे'.

'आज सकाळी चर्चा झाली झाली. काल रात्री देखील चर्चा झाली. आम्ही हवेत बोलत नाही. महाराष्ट्र आणि मुंबईतील मराठी माणसांसाठी एकत्र यावं लागेल. आम्ही त्याची वाट पाहू', असे राऊत पुढे म्हणाले.

'राज ठाकरे यांच्या काही प्रतिसाद आला तर आम्ही तो नाकरण्याचा करंटेपणा करणार नाहीत. सर्व शिवसैनिक आणि सर्व ठाकरे एक आहोत. आम्ही वैयक्तिरित्या जवळ आहोत. राज माझे मित्र आहेत. राज ठाकरे आणि उद्धव ठाकरे हे भाऊ आहेत. हे तुम्ही मान्य करा, असे संजय राऊत यांनी सांगितले.

तर महायुतीची ताकद जाणून घेण्यासाठी तुम्हाला वॉशिंग्टनला जावं लागेल. महायुतीने केलेला इव्हीएममध्ये कसा घोटाळा ठाऊक आहे. भेटीगाठी झालं तर काय झालं, असे राऊत यांनी सांगितले.

'आता त्यांचे पुढे काय होतं, याकडे आमचं लक्ष आहे. राज ठाकरे यांनी मन मोकळं केलं आहे. त्यांची रक्ताची नाती आहेत. दोघांचे पुढे काय होतं, याकडे आमचं लक्ष आहे, असे संजय राऊत यांनी पुढे सांगितले.