गावगुंडाप्रमाणं आमदार निवासातील कॅन्टिन कर्मचाऱ्याला मारहाण करणारे... राहुल गांधींची जीभ छाटण्याचं वादग्रस्त विधान करणारे शिंदेसेनेचे आमदार संजय गायकवाड यांची गुंडगिरी काही थांबताना दिसत नाही...अशातच संजय गायकवाडांनी पुन्हा एकदा बॉक्सिंग स्टाईलनं थेट एका प्रकाशकालाच घरात घुसून मारण्याची धमकी दिलीय...यावेळेला निमित्त ठरलं ते गोविंद पानसरेंनी लिहिलेल्या शिवाजी कोण होता या पुस्तकाचं.. गायकवाडांच्या या धमकीचं कॉल रेकॉर्डिंग सध्या सोशल मीडियावर चांगलचं व्हायरल झालयं...

पानसरेंच्या पुस्तकावरून गायकवाडांनी थेट जीभ छाटण्याचं आणि जीवे मारण्याची धमकी दिल्याचा आरोप प्रकाशकानं केलाय..

हे कॉल रेकॉर्डिंग व्हायरल झाल्यानंतर राज्यातील पुरोगामी कार्यकर्त्यांनी गायकवाडांच्या वादग्रस्त विधानावर आक्रमक पवित्रा घेतला...दरम्यान पानसरे कुटुंबीयांनीही या घटनेचा तीव्र निषेध व्यक्त करत आमदार संजय गायकवाड यांच्यावर तात्काळ कारवाई करावी, अशी मागणी केलीय...

दुसरीकडे शिंदेसेनेचे आमदार संजय गाय़कवाड आपल्या भूमिकेवर ठाम आहेत... छत्रपती शिवाजी महाराजांचा अवमान सहन करणार नाही...असं म्हणत गायकवाडांनी प्रकाशकाची जीभ हासडण्याची पुन्हा एकदा धमकी दिलीय..तर गायकवाडांनी जुन्या विषयात जाऊ नये, असा टोला राधाकृष्ण विखे पाटलांनी लगावलाय....

- वैचारिक साहित्यावर बंदी घालण्याची मागणी करणं आणि त्यावर चर्चा करण्याऐवजी थेट प्रकाशकाला जीवे मारण्याच्या धमक्या देणं हीच महाराष्ट्राची राजकीय संस्कृती आहे का? सत्तेच्या मस्तीत सातत्यानं धमक्या देणाऱ्या आणि लोकप्रतिनिधीच्या पदाच्या साध्या मर्यांदाही न सांभाळणाऱ्या गायकवाडांसारख्या आमदारांना पक्षातील वरिष्ठ नेते वेसण का घालत नाहीत का ?