Sangli Crime News : सांगली येथील कर्नाळ रस्ता परिसरातील म्हसोबा मंदिराजवळ राहणाऱ्या महाविद्यालयीन युवकाचा (youth) धारदार शस्त्राने वार करून निर्घृण खून करण्यात आला आहे. अजित बाबुराव अंगडगिरी असे खून झालेल्या युवकाचे नाव आहे.

अजित अंगडगिरी याला पूर्वीच्या वादातून मारल्याचा प्राथमिक अंदाज पोलिसांनी व्यक्त केला आहे. या प्रकरणात तीन संशयित पोलिसांच्या रडारावर आहेत. ही घटना घडल्याने परिसरात एकच खळबळ उडाली होती.

अजित हा काल सायंकाळी शेतामध्ये कुटुंबियांसोबत औषध फवारण्याचे काम करत होता. यावेळी तीन तरुण दुचाकरून तेथे आले. या तिघांनी अजितला बोलावून घेतले. त्यापैकी एकाने त्याच्यावर धारदार शस्त्राने छातीवर एकच वार केला. त्यात अजित रक्ताच्या थारोळ्यात पडला.

त्यानंतर ते तिघे पळून गेले. अजितला सांगलीच्या शासकीय रुग्णालयात आणले असता डॉक्टरांनी त्यास मृत घोषित केले. रात्री उशिरापर्यंत पोलीस तपासणी करीत होते. पोलिसांनी सूत्रे फिरवत पूर्वीच्या भांडणातून हा खून झाला असावा असा प्राथमिक अंदाज वर्तवला आहे. या प्रकरणात तीन संशयित पोलिसांच्या (police) रडारावर आहेत.

Edited By : Siddharth Latkar