सांगली : नावाजलेल्या तमाशामध्ये विद्रोही लेखणीने तमाशा क्षेत्रातून करमणुकीच्या माध्यमातून लोकप्रबोधन करणारे सांगली जिल्ह्यातील कवठेमहांकाळ (Kavathe Mahankal) येथील शाहीर राजाराम यशवंत पाटील उर्फ राजा पाटील यांचे वयाच्या ७० व्या वर्षात निधन झाले. त्यांच्या निधनाने तमाशा (Tamasha) क्षेत्रावर दु:खाचे सावट पसरले आहे.

हे देखील पहा :

शाहीर राजा पाटील (Shahir Raja Patil) यांनी १९९० च्या दशकात तमाशा आणि शाहीरी लोककला महाराष्ट्रभर सादर करुन लोककलेचा जागर केला होता. शाहीर राजा पाटील यांनी काळू बाळू तमाशा मंडळ, गणपत व्ही.माने चिंचणीकर, दत्त महाडीक पुणेकर, रघुवीर खेडकर, काताबाई सातारकर, या.तमाशांना वगनाट्य दिली व ती महाराष्ट्रभर गाजली.

या टोपी खाली दडलंय काय, बारा हजाराची कमळी, खेकडा चालला दिल्लीला, रक्तात नाहाली आब्रु, कायदा गाढव हाय, तुकोबा निघाले वैकुंठाला, इंदिरा काय भानगड, राजा हरिश्चंद्र , डॉ.शर्मा, संत एकनाथ, संत दामाजी, भक्त पुंडलिक, ही वगनाट्य महाराष्ट्रभर (Maharashtra) गाजली. माणूस माणसाचा वैरी, बापू बिरु वाटेगावकर, कृष्णा मिळाली कोयनेला अशी नाटकेही शाहीर राजा पाटील यांनी लिहून अजरामर केली.

Edited By : Krushnarav Sathe