Sangli News : सांगलीत नशेच्या गोळ्यांची बिनधास्त विक्री केली जात असल्याचे वृत्त साम टीव्हीने दाखविल्यानंतर पोलीस प्रशासन खडबडून जागे झाले. सांगली जिल्ह्यातल्या नशेखोरी विरोधात सांगली पोलिसांनी धडक मोहीम सुरू केली. या अंतर्गत सांगली शहरामध्ये (sangli police) छापा टाकून नशेच्या गोळयांची विक्री करणाऱ्या दोघांना अटक करण्यात आली आहे. (Maharashtra News)

मानसिक आजारावरील गोळ्यांचा उपयोग नशेसाठी करण्यात येत असल्याचा प्रकार समोर साम टीव्हीने काही दिवसांपुर्वी जनतेसमाेर आणला. यामुळे युवा पिढी (youth) व्यसनाधीन हाेण्याचा संभव धाेका साम टीव्हीने तज्ञांच्या प्रतिक्रियांसह दाखविले.

साम टीव्हीच्या वृत्ताची दखल घेत पोलीस प्रशासनाने सांगली जिल्ह्यातल्या नशेखोरी विरोधात धडक मोहीम सुरू केली. या अंतर्गत सांगली शहरात छापा टाकून नशा करण्यासाठी चुकीच्या पद्धतीने गोळयांची विकणाऱ्या दोघांना अटक केली.

त्यांच्याकडून सुमारे अडीचशे गोळ्यांचा साठा जप्त करण्यात आला आहे. अनिकेत कुकडे (वय 21) आणि उमर महात (वय 20) असं अटक केलेल्या दोघा संशयतांची नाव असल्याची माहिती पाेलिसांनी दिली.

Edited By : Siddharth Latkar