सांगली : पोलिसांच्या रेकॉर्डवर गुन्हेगारी क्षेत्रातील सराईत असणारा गुंड सच्चा उर्फ सचिन टारझन यांच्यावर आज सकाळी जीवघेणा हल्ला झाला आहे. (Sangli News) सांगलीच्या अहिल्यानगर येथे त्याच्या घरात घुसून (Crime News) अज्ञात तरुणांनी हा हल्ला केला. सिव्हिल हॉस्पिटलमध्ये त्याचा उपचारा दरम्यान मृत्यू झाला आहे. हा हल्ला झाल्याने सर्वत्र एकच खळबळ उडाली आहे. (Live Marathi News)

सचिन टारझन हा पोलिसांच्या रेकॉर्डवरील रेड यादीतील गुंड होता. एका गुन्ह्यात तो सध्या जामीनावर बाहेर आला होता. आज सकाळी सातच्या सुमारास काही आज्ञात तरुण अचानक त्याच्या घरात घुसले. त्या तरुणांनी सच्यावर धारदार हत्यारांनी हल्ला चढवला. तर काही मिनिटातच हल्ला करून ते परागंधा झाले. कुपवाड पोलिसांनी घटनास्थळी धाव घेतली आहे. पोलीस हल्लेखोराच्या शोधात आहेत. दरम्यान सच्चा टारझनवरील हल्ल्याचे नेमके कारण अद्याप स्पष्ट झाले नाही. 

उपचारादरम्यान मृत्यू 

सचिन टारझन याच्यावर आज सकाळी सातच्या सुमारास धारदार शस्त्राने अहिल्यानगर परिसरात खुनी हल्ला (Police) करण्यात आला. यानंतर गंभीर जखमी अवस्थेत त्याला सांगलीच्या शासकीय रुग्णालयात दाखल करण्यात आले आहे. उपचारा दरम्यान सकाळी १० वाजता त्याचा मृत्यू झाला आहे.