Sangli News :

सांगली मिरज कुपवाड महापालिकेच्याआयुक्तांचा हटके अंदाज एका सांस्कृतिक कार्यक्रमात दिसला. मिरजेत आयुक्त सुनील पवार यांनी पुष्पा स्टाईलने डान्स करून अधिकारी कर्मचारी यांची वाहवा मिळवली.

सांगली महापालिका वर्धापन दिनानिमित्त कलासंगम 2024 कार्यक्रमाचे आयोजन करण्यात आले होते. यावेळी महापालिकेतील सर्वच कर्मचाऱ्यांनी आयुक्तांच्या डान्सला टाळ्यांनी दाद दिली. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सांगली मिरज कुपवाड महापालिका वर्धापन दिनानिमित्त विविध कार्यक्रमांचे आयोजन सांगली आणि मिरजेत करण्यात आले होते. त्यामध्ये मिरज बालगंधर्व नाट्यगृह येथे कलासंगम हा महापालिका अधिकारी कर्मचाऱ्यांसाठी चित्रपटातील गाणी आणि नृत्य,नाटिका , कार्यक्रमाचे आयोजन केले होते. (Latest Marathi News)

यावेळी आयुक्त सुनील पवार, उपायुक्त स्मृती पाटील, राहुल रोकडे, वैभव साबळे यांच्यासह सहाय्यक आयुक्त सर्व विभागाचे अधिकारी कर्मचारी उपस्थित होते. कर्मचारी अधिकारी यांनी या कार्यक्रमात भाग घेऊन हिंदी, मराठी चित्रपटातील गाणी आणि डान्स सादर करून कर्मचाऱ्यांची मने जिंकली.

या कार्यक्रमात आयुक्त सुनील पवार यांनी पुष्पा स्टाईलने डान्स करून कर्मचाऱ्यांसोबत आनंद लुटला. या गाण्यांमध्ये उपायुक्त राहुल रोकडे, वैभव साबळे, पंडित पाटील, दिनेश जाधव, स्मृती पाटील यांनी आयुक्त यांना सहकलाकार म्हणून साथ दिली.