- फय्याज शेख

Shahpur News : समृद्धी महामार्गाचे काम करताना केलेल्या खाेदकामामुळे पावसाचे पाणी साचले. त्यामुळे शहापूर येथील विंचू पाडा आणि काष्टी या दाेन पाड्यांचा संपर्क तुटला. परिणामी ग्रामस्थांना जीव मुठीत धरुन प्रवास करावा लागत आहे. या समस्येचे वृत्त साम टीव्हीने प्रसारित करताच प्रशासन खडबडून जागे झाले. सध्या घटनास्थळी प्रशासनाने उपाययाेजना करण्यास प्रारंभ केला आहे. (Maharashtra News)

शहापूर तालुक्यातून जात असलेल्या समृद्धी मार्गाचा काम पुर्ण तत्वावर आले आहे. हा महामार्ग बनवताना अनेक ठिकाणी खोदकाम केले आहे. या खोदकामामुळे नदी, नाले तलावाचे स्वरूप आले आहे. याची कोणतीही सुरक्षेची उपाययोजना केली गेली नाही.

काही ठिकाणी रहदारीचा रस्ता खोदल्याने उन्हाळ्यात कसे बसे लोक जात होते. गेल्या दोन दिवसांपासून पडत असलेल्या पावसामुळे समृद्धी मार्गा लगत नदी ,नाले, तलावाचे स्वरूप प्राप्त झाल्याने काही पाड्यातील लोकांना खरेदी साठी बाजरापेठेत येता येत नाही तर शाळकरी मुलांचा शाळेचा प्रवास जीवघेणा झाला असल्याची बातमी साम टिव्हीने प्रसारित केली.

या बातमीची दखल घेत (saam impact) शहापूरात (shahapur) पाणी जमा झाल्याच्या ठिकाणी पोलिस व महसूल विभागाचे अधिकारी व कर्मचारी पोहोचले. सध्या येथे पर्यायी व्यवस्था करण्यास प्रशासनाने सुरुवात केली आहे.

Edited By : Siddharth Latkar