मनोज जयस्वाल, वाशिम

Washim Accident News Today: गेल्या काही दिवसांपासून समृद्धी महामार्गावर अपघातांची मालिकाच सुरू आहे. आज (3 जून) समृद्धी महामार्गावर पुन्हा एक अपघात झाल्याचे समोर आले आहे. या अपघातामध्ये दोन जण जखमी झाले असून त्यांच्यावर रुग्णालयात उपचार सुरू आहेत.(Latest Marathi News)

अपघात नेमका कसा झाला?

समृद्धी महामार्गावर कारचा समोरचा टायर फुटल्याने अपघात झाला आहे. यात दोन जण जखमी झाले आहेत. हा अपघात वाशिम (Washim) जिल्ह्यातील कारंजा तालुक्यातील लोकेशन १८७ वर झाला आहे. कारच्या समोरचा टायर फुटताच कार डिव्हायडरला धडकल्याने कारचे मागील टायर सुद्धा फुटले.

अपघाताची माहिती मिळताच तात्काळ 108 समृद्धी लोकेशन कारंजा पायलट विधाता चव्हाण, डॉ. गणेश यांनी तात्काळ घटनास्थळी पोहोचून जखमी रुग्णांना उपजिल्हा रुग्णालय कारंजा येथे दाखल केले आहे. पुढील उपचारासाठी रुग्णांना अकोला येथे रेफर करण्यात आले आहे. दोन्ही जखमी हे जालना जिल्ह्यातील आहेत.