समृद्धी महामार्गावर पुन्हा एक भीषण अपघात घडलाय. जालन्यातील समृद्धी महामार्गावर असलेल्या जामवाडी येथे ही भीषण दुर्घटना झाली. मिळालेल्या माहितीनुसार महामार्गावर ट्रकला झालेल्या अपघात पाहण्यासाठी एका वाहनामधील काही लोक रस्त्यावर उतरलं होतं. त्यावेळी मागून येणाऱ्या एका अँम्बुलन्सनं त्यांना चिरडलं.

समृद्धी महामार्गावर मंत्र्यांच्या कारला भीषण अपघात

वाशिम जिल्ह्यातील मालेगाव नजीकच्या समृद्धी महामार्गावर केंद्रीय आरोग्य राज्यमंत्री प्रतापराव जाधव यांच्या कारला अपघात झाला होता. कारने ट्रकला जोरदार धडक दिल्याने हा अपघात झाला. सुदैवाने अपघातावेळी प्रतापराव जाधव कारमध्ये नव्हते, त्यामुळे मोठी दुर्घटना टळली. या अपघातामध्ये तिघे जण गंभीर जखमी झालेत. जखमींवर रुग्णालयात उपचार सुरू आहेत. पोलीस या अपघाताचा तपास करत आहेत.

हाती आलेल्या माहितीनुसार, केंद्रीय मंत्री प्रतापराव जाधव यांना नागपूर विमानतळावर सोडल्यानंतर त्यांचे अंगरक्षक, सहकारी आणि कारचालक हे मेहकरच्या दिशेने जात होते. त्यावेळी समृद्धी महामार्गावर त्यांच्या कारला भयंकर अपघात झाला. कारने ट्रकला जोरदार धडक दिली. हा अपघात इतका भीषण होता की यामध्ये कारचा चक्काचूर झाला.