Ration Card Saam tv
महाराष्ट्र

Ration Card : सरकारी कर्मचाऱ्यांचे रेशन कार्ड रद्द; संभाजीनगर जिल्ह्यात ४ हजार कर्मचाऱ्यांना दणका

Sambhajinagar News : स्वस्त धान्य दुकानाच्या माध्यमातून गरीब लाभार्थींना धान्य अत्यल्प दरात पुरविले जाते. चांगला पगार असलेले सरकारी कर्मचारी देखील गरिबांच्या धान्यावर डल्ला मारत असल्याचा प्रकार निदर्शनास आला

डॉ. माधव सावरगावे

छत्रपती संभाजीनगर : रेशन कार्डवरून स्वस्त धान्याचा पुरवठा करण्यात येत असतो. गोर गरिबांना याचा फायदा मिळत असतो. असे असले तरी सरकारी नोकरीला असताना देखील अनेकजण रेशन कार्डावर धान्य घेत असतात. मात्र अशा कर्मचाऱ्यांवर पुरवठा विभागाने लक्ष देत रेशन कार्ड रद्द करण्याची कारवाई सुरु केली आहे. या कारवाईत संभाजीनगर जिल्ह्यातील ४ हजार कर्मचाऱ्यांचे कार्ड रद्द करण्यात आले आहे.  

स्वस्त धान्य दुकानाच्या माध्यमातून गरीब लाभार्थींना स्वस्तात अन्न- धान्याचा पुरवठा केला जातो. ते धान्य अत्यल्प दरात पुरविले जाते. मात्र चांगला पगार असलेले सरकारी कर्मचारी देखील या गरिबांच्या अन्नधान्यावर डल्ला मारत असल्याचा प्रकार निदर्शनास आला होता. यामुळे काही लाभार्थ्यांना पुरेसा धान्याचा लाभ मिळत नसल्याचे पाहण्यास मिळते. परिणामी पुरवठा विभागाकडून अशा कर्मचाऱ्यांवर लक्ष केंद्रित करण्यात आले आहे. 

जिल्ह्यातील ४४२७ कर्मचाऱ्यांचे रेशन बंद 

रेशन धान्य वाटपाचा लाभ जिल्ह्यातील असंख्य शासकीय कर्मचारी घेत होते. हा प्रकार लक्षात आल्यानंतर जिल्हा पुरवठा विभागाकडून विशेष मोहीम राबवून याबाबत पडताळणी करण्यात आली. या पडताळणीनंतर संभाजीनगर जिल्ह्यातील ४ हजार ४२७ शासकीय कर्मचाऱ्यांचे रेशन कार्ड रद्द केले आहेत. अर्थात आता या सरकारी नोकरदारांना रेशनचे धान्य घेता येणार नाही. 

धान्य विक्री व्हावी बंद 

दरम्यान गरिबांना स्वस्तात धान्य मिळावे यासाठी रेशन दुकानातून धान्याचा पुरवठा करण्यात येत असतो. मात्र रेशन दुकानातून हे धान्य घेऊन त्याची विक्री केली जात असल्याचे देखील अनेकदा समोर आले आहे. रेशनचे धान्य घेऊन त्याची विक्री केली जात असल्याचा हा प्रकार सर्रासपणे सुरु असून यावर देखील निर्बंध लागणे आवश्यक आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

'मराठीचाच अजेंडा'; कोणताच झेंडा नाही, ठाकरे बंधूंच्या विजयी मेळाव्याची निमंत्रण पत्रिका चर्चेत

रशियाच्या हल्ल्याने युक्रेन हादरलं, ट्रम्पसोबत चर्चेनंतर रशियाचा हल्ला; युक्रेनची राजधानी रशियाकडून उध्वस्त?

IND vs ENG Test 2 Day 3: All Out! सिराजच्या भेदक माऱ्यापुढे इंग्लंडची टीम ढेपाळली; भारताकडे 180 धावांची आघाडी

Sushil Kedia : आमच्यासारखा जर खरंच पेटून उठला तर...व्यावसायिक सुशील केडिया यांनी राज ठाकरेंना डिवचलं

ठाकरेंच्या मेळाव्याला काँग्रेस-राष्ट्रवादीची दांडी? ठाकरेंच्या मेळाव्यात मविआचा सहभाग? मराठीवरून मविआत फूट?

SCROLL FOR NEXT