रामू ढाकणे 

छत्रपती संभाजीनगर : शहरात असलेले खुले भूखंड आणि प्लॉटवर कर आकारणी केली जात नव्हती. मात्र आता याची कर आकारणी करण्याचा निर्णय (Sambhajinagar) छत्रपती संभाजीनगर महापालिकेने घेतला आहे. याची अंमलबजावणी येत्या नवीन आर्थिक वर्षांपासून केली जाणार आहे. (Breaking Marathi News)

आगामी आर्थिक वर्षात संभाजीनगर महापालिकेला आर्थिकदृष्ट्या आत्मनिर्भर करण्याचा निर्णय मनपा आयुक्त जी. श्रीकांत यांनी घेतला असून त्यासाठी मनपाच्या उत्पन्नाचे स्रोत वाढविणे यावर भर देण्यात येत आहे. मात्र आतापर्यंत ज्या मालमत्ता (Tax) कर आकारणीतून सुटल्या आहेत. त्यांचा शोध घेऊन त्या मालमत्तांना नवीन रेडीरेकनरच्या दरानुसार कर आकारणी केली जाणार असून तसे निर्देशही आयुक्तांनी सर्व झोन कार्यालयांना दिले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१ एप्रिलपासून कर आकारणी 

संभाजीनगर शहरातील खुले भूखंड व प्लॉट धारकांनी आपापल्या मालमत्तांना कर आकारणी करून घेणे आवश्यक आहे. मात्र अजूनही शहरातील बहुतांश खुल्या भूखंड धारकांनी कर आकारणी केली नसल्यामुळे त्यांच्याकडून कर आकारणी करण्याचा निर्णय मनपा प्रशासक तथा आयुक्त जी. श्रीकांत यांनी घेतला आहे. १ एप्रिलपासून या मोहिमेला प्रत्यक्षात सुरुवात केली जाणार आहे.