रामू ढाकणे 

छत्रपती संभाजीनगर : संभाजीनगर शहरातील लागलेल्या होर्डिंग्ज बाबत महापालिका प्रशासनाने ऑडिट केले. यात शहरातील सर्वच होर्डिंग्जची मुदत संपल्याचे समोर आल्याने याबाबत महापालिकेने २४ तसंच अल्टिमेटम देण्यात आला होता. मात्र अल्टिमेटम सम्पल्यानंतर देखील मनपा प्रशासनाकडून कोणत्याही प्रकारची कारवाई करण्यात आलेली नाही. 

मुंबईतील घाटकोपर येथील होर्डिंग दुर्घटनेमध्ये १६ जणांना आपला जीव गमवावा लागला होता. त्यानंतर राज्यभर होर्डिंगचा मुद्दा ऐरणीवर आला होता. दरम्यान या दुर्घटनेनंतर जागे झालेल्या छत्रपती संभाजीनगर महापालिकेने २४ तासात होर्डिंगचे स्ट्रक्चरल ऑडिट करण्याचे आदेश दिले होते. संभाजीनगर (Sambhajinagar) शहरातील होर्डिंग्सवाल्यांनी दिलेल्या स्ट्रक्चरल ऑडिटची मुदत मार्च २०२४ मध्ये संपल्याची धक्कादायक माहिती समोर आल्याने शहरातील सर्वच होर्डिंग धोकादायक ठरले होते. 

मनपा प्रशासन झोपलेलेच 

मात्र हा अल्टीमेटम संपल्यावरही महापालिका प्रशासनाकडून यावर कुठलीही कारवाई केली गेली नाही. इतकंच नव्हे तर शहरातील धोकादायक इमारती सील केल्या जातील आणि होर्डिंग्स काढून टाकण्यात येतील असा कडक इशाराही महापालिकेने दोन दिवसापूर्वी दिला होता. मात्र यावर कोणतीही कारवाई झाली नाही.