नवनीत तापडिया 
छत्रपती संभाजीनगर : खाजगी शिकवणीसाठी जाणाऱ्या १७ वर्षीय विद्यार्थ्यांच्या खिशातील मोबाईलचा (Mobile) अचानक स्फोट झाला. यामध्ये सुदैवाने कुठलीही जीवितहानी झाली नाही. मात्र मुलाचा पाय भाजला गेला आहे. ही घटना आज (Sambhajinagar) सकाळी आठ वाजेच्या सुमारास गंगापूर तालुक्यात घडली. या घटनेमुळे परिसरामध्ये एकच खळबळ उडाली आहे. (Breaking Marathi News)

आदेश आप्पासाहेब झोजे असे मोबाईलच्या स्फोटामध्ये जखमी झालेल्या विद्यार्थ्याचे नाव आहे. नियमित वेळेनुसार आदेश हा सकाळी लवकर उठला चार महिन्यापूर्वी विकत घेतलेल्या मोबाईल चार्जिंगला लावला. तोपर्यंत तयारी करत होता. त्यानंतर चार्जिंग झालेला मोबाईल घेऊन आदेश खाजगी शिकवणीसाठी घराबाहेर पडला. ट्युशन साडेआठ वाजता असल्याने तो आठ वाजताच घरातून बाहेर पडला. पंधरा मिनिटानंतर ट्युशनच्या जवळ जाताच अचानक आदेशाच्या खिशात असलेल्या मोबाईल गरम होऊन त्याच्यामध्ये स्फोट झाला. 

जखमी विध्यार्थी रुग्णालयात 

अचानक घडलेल्या घटनेमुळे (Student) आदेश घाबरून गेला होता. यावेळी त्यांनी तात्काळ खिशातील मोबाईल खाली टाकून दिला. यावेळी परिसरातील नागरिकांनी मोबाईलवर पाणी टाकत आदेशला धीर दिला. या स्फोटामध्ये आदेशच्या मांडीला इजा झाली. त्याला रुग्णालयात दाखल करण्यात आले असून, त्याच्यावरती रुग्णालयात उपचार सुरू आहेत.