नवनीत तापडीया

छत्रपती संभाजीनगर : सध्या संपूर्ण राज्यभर महाराष्ट्राचे भावी मुख्यमंत्री म्हणून विविध राजकीय नेत्यांचे होर्डिंग बॅनर त्यांच्या समर्थकांकडून लावण्यात येत आहेत. यामध्ये आता आदित्य ठाकरे यांचे देखील भर पडली आहे. आदित्‍य ठाकरे (Aditya Thackeray) यांचे वाढदिवसाचे बॅनर लावताना महाराष्‍ट्राचे भावी मुख्‍यमंत्री (Sambhajinagar) असा आशय बॅनरवर आहे. (Tajya Batmya)

राज्‍यातील राजकिय वातावरण नेहमीच तापलेले पहावयास मिळत आहे. यात राजकारणात आणखी चर्चांना उधाण येत आहे. ते राज्‍यातील विविध शहरांमध्‍ये झळकत असलेल्‍या बॅनरमुळे. यापुर्वी राष्‍ट्रवादीचे नेते अजित पवार यांचे ठिकठिकाणी भावी मुख्‍यमंत्री असल्‍याचे बॅनर लागले होते. यानंतर कॉंग्रेसचे नाना पटोले यांचे देखील बॅनर झळकले होते. यात आता बाळासाहेब ठाकरे शिवसेनेचे आदित्‍य ठाकरे यांची भर पडली आहे.

संभाजीनगरात लागले बॅनर

छत्रपती संभाजीनगर शहरातील उस्मानपुरा परिसरात युवासेनेच्या शहर प्रमुखाने महाराष्ट्राचे भावी मुख्यमंत्री आदित्य ठाकरे या आशयाचे बॅनर त्यांच्या वाढदिवसाच्या निमित्ताने लावले आहे. हे बॅनर सध्या चर्चेचा विषय ठरत असून, यामध्ये आता महाराष्ट्राच्या भावी मुख्यमंत्री पदाची चर्चा चांगलीच रंगताना दिसत आहे.