छत्रपती संभाजीनगर : आदर्श पतसंस्थेत २०२ कोटींचा घोटाळा उघडकीस आला आहे. (Scam) तेव्‍हापासून ६२ हजार २१९ ठेवीदारांचा जीव टांगणीला लागला आहे. या (Sambhajinagar) ठेवीदारांचे तब्बल ३५६ कोटी रुपये येथे अडकल्याचे समोर आले. (Latest Marathi News)

संभाजीनगरातील आदर्श नागरी सहकारी पतसंस्थेत तब्बल २०२ कोटींचा घोटाळा समोर आला आहे. लेखा परीक्षक धनंजय चव्हाण आणि सुधाकर गायके यांच्या फिर्यादीवरून अंबादास मानकापे यांच्यासह संचालक मंडळ, पतसंस्थेतील अधिकारी आदींवर ११ जुलैला सिडको पोलिस ठाण्यात वेगवेगळे दोन गुन्हे दाखल करण्यात आले.

ठेवीदारांची जमा पुंजी मिळेना

आदर्श घोटाळा प्रकरणात आतापर्यंत मानकापेंसह संचालक मंडळातील अशोक काकडे, काकासाहेब काकडे आणि त्रिंबक पठाडे (Police) या चौघांना अटक केली आहे. न्यायालयाने त्यांना २० जुलैपर्यंत पोलिस कोठडी सुनावली आहे. परंतु, आदर्श पतसंस्‍थेत ठेवलेली आयुष्यभराची जमा पुंजी आता मिळते की नाही असा प्रश्न निर्माण झाल्याने ठेवीदार अक्षरश: रडकुंडीला आले आहेत.