रामू ढाकणे 

छत्रपती संभाजीनगर : छत्रपती संभाजीनगरमधील आदर्श समूहातील घोटाळा प्रकरणात आता आणखी एक गुन्हा दाखल झाला आहे. (Sambhajinagar) आदर्श महिला पतसंस्थेत झालेल्या घोटाळ्याविरोधात यापूर्वी ५ गुन्हे दाखले असून आणखी एक गुन्हा दाखल झाल्याने याची व्याप्ती वाढण्याची शक्यता वाढली आहे. (Live Marathi News)

छत्रपती संभाजीनगरातील आदर्श नागरी सहकारी पतसंस्थेत ४ कोटी ६ लाख २२ हजार २०५ रुपयांचा घोटाळा (Scam) केल्या प्रकरणी माणकापे परिवारासह इतर १९ आरोपीविरुद्ध एमआयडीसी सिडको पोलीस (Police) ठाण्यात गुन्हा दाखल करण्यात आला. आरोपींनी सात प्रकरणात विनाकारण कॅश क्रेडिट कर्ज वाटप करून ते वसूल न करता रिव्हर्स एन्ट्री मारून हा अपहार केल्याचे लेखा परीक्षणातून समोर आले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बोगस कर्ज दिले 

धक्कादायक म्हणजे आदर्श समूहाला बोगस कर्ज वाटप केल्याप्रकरणी ज्या उद्देशासाठी कर्ज घेतले. त्यासाठी न वापरता अपहार केल्याचा ठपका देखील यात ठेवण्यात आला आहे. दरम्यान आतापर्यंत या संपूर्ण प्रकरणात आदर्श समूहामध्ये २८० कोटीचा घोटाळा झाला आहे.