छत्रपती संभाजीनगर : क्लब महिंद्राच्या नावाने १४० कोटींचे आमिष दाखवून व्यापाऱ्याची दीड कोटी रुपयांची (Fraud) फसवणूक करण्यात आली होती. फसवणूक करणाऱ्या एका आरोपीला छत्रपती संभाजीनगर (Sanbhajinagar) पोलिसांनी मुंबईतून अटक केली. (Latest Marathi News)

क्लब महिंद्रा कंपनीची बनावट कागदपत्रे तयार करून छत्रपती संभाजीनगर जिल्ह्यातील पर्यटनस्थळ असलेल्या दौलताबाद परिसरात १०२ एकर जमीन १४० कोटी ५६ लाख ५८ हजार रुपयांना विकत घेणार असल्याचे दाखविले. त्यासाठी कायदेशीर प्रक्रिया पूर्ण करण्यासाठी १ कोटी ४१ लाख २ हजार ६५८ रुपये घेत फसवणूक केल्याचा प्रकार उघडकीस आला होता. या प्रकरणी एमआयडीसी सिडको पोलिस (police) ठाण्यात गुन्हा दाखल होताच पोलिसांनी मुख्य आरोपीला मुंबईतून (Mumbai) अटक केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सहाजण ताब्यात 

या प्रकरणात सहा जणांना पोलिसांनी ताब्यात घेतले आहे. मोनिष विग, इशविन अरोरा, संदीप सपकाळ, ओंकार मुलुक, अनिल भांबिड उर्फ अनिल जाजू आणि इंद्रेश तिवारी अशी आरोपींची नावे आहेत. हे सर्व मुंबईत राहणारी आहेत. छत्रपती संभाजीनगर शहरातील व्यावसायिक संदीप सुभाषचंद्र सोकीया यांच्या फिर्यादीवरून हा गुन्हा दाखल करण्यात आला.