रामू ढाकणे 

छत्रपती संभाजीनगर : छत्रपती संभाजीनगर जिल्ह्यातील वैजापूर तालुक्यातल्या शिऊर बंगला पोलीस ठाण्याच्या हद्दीत एटीएम फोडण्यात आल्याची घटना घडली होती. या घटनेत एटीएम फोडून गाडीत घेऊन जात असताना नागरिकांनी त्यांचा पाठलाग करत पकडून पोलिसांच्या स्वाधीन केले.  

एटीएम (ATM) मशीनमधील पैसे लांबविण्याच्या ऐवजी थेट मशीन गाडीत टाकून लांबविल्याची घटना संभाजीनगर जिल्ह्याती वैजापूर तालुक्यातमधील शिऊर बांगला पोलीस स्टेशन हद्दीत घडला होता. एटीएम मशीन हे सटाणा रोडवर मालेगाव- सटाणा महामार्गावर फोडून ते छत्रपती संभाजीनगरच्या (Sambhajinagar news) दिशेने रवाना झाले होते. हा प्रकार नागरिकांच्या लक्षात आल्याने त्यांचा पाठलाग सुरु केला. नागरिकांनी पाठलाग करत या चोरट्याने पकडण्यात यश आले. नागरिकांनी त्यांना चांगलाच चोप दिला. 

दरम्यान नागरिकांनी चोरट्याना पकडून शिऊर पोलिसांच्या (Police) स्वाधीन केले. यानंतर पोलिसांनी त्यांच्याकडून एटीएम मशीनसह दोन मोबाईल, कटर आणि एक चारचाकी गाडी असा ऐवज जप्त केला. दरम्यान यावेळी पकडलेल्या चोरांना गावातल्या नागरिकांनीही चांगलाच चोप दिला.