छत्रपती संभाजीनगर : अगदी किरकोळ वादातून टोकाची भूमिका घेत जीव घेतला जात असतो. तर कधी जीवघेणा हल्ला चढविला जात असतो. असाच प्रकार छत्रपती संभाजीनगरच्या बजाजनगर येथील अयोध्यानगरात घडला आहे. किरकोळ कारणावरून एका महिलेला घरात घुसून मारहाण केल्याची घटना घडली आहे. गाडी लावण्याच्या कारणावरून मारहाण झाल्याचं सांगितलं जात आहे. 

छत्रपती संभाजीनगर शहरातील बजाजनगर परिसरात सदरची घटना घडली आहे. रोहन आदिक नावाच्या संशयित आरोपीने मित्रांना बोलावून थेट महिलेच्या घरात घुसून मारहाण केली आहे. दरम्यान आईला मारहाण होत असल्याचे बघून मुलीने आरोपींना भिडण्याचा प्रयत्न केला. मात्र आरोपींनी तिलाही धक्काबुक्की केली. यात यात महिला जखमी झाली असून सध्या तिच्यावर रुग्णालयात उपचार सुरू आहेत. 

पोलिसांकडून तक्रारींकडे दुर्लक्ष 

सर्व घटना सीसीटीव्ही कॅमेरात कैद झाली आहे. घटना घडल्यानंतर महिलेने पोलिसांकडे धाव घेत महिलेने तक्रार दिली. मात्र पोलीस आमच्या ओळखीचे आहेत काही होणार नाही; अशी धमकी देखील आरोपीने दिली. तर पोलिसांनी देखील या प्रकरणी अदखलपात्र गुन्हा दाखल करून घेत आरोपीला मोकाट सोडल्याची तक्रार फिर्यादीने केली आहे. यामुळे पोलिसांच्या कार्यक्षमतेवर देखील प्रश्नचिन्ह उपस्थित होत आहे.Zilha Parishad School : झेडपीच्या शाळेचा चेहरामोहरा बदलला, दौंडमधील मेमानवाडीच्या शाळेची जोरदार चर्चा, मुलं जर्मन बोलतात... वाचा

मुलांचा वेष घेऊन ट्रकचालकांची केली लूट

नाशिकमध्ये दोन तरुणींनी मुलांचा वेष घेऊन ट्रकचालकांची लूट केल्याचा धक्कादायक प्रकार समोर आला आहे. ट्रक चालकांना लुटण्यासाठी दोन्ही तरुणींनी केस कापून मुलांसारखा पेहराव केला होता. त्यांनी रामनिवास वर्मा या ट्रक चालकाला मारहाण करून ८ हजार रुपये लुटले. तर ट्रक चालकाने ११२ क्रमांकावर फोन करत पोलिसांची मदत मागितली. पोलिसांनी सापळा रचून दोन्ही तरुणींना अटक केली असून तीन साथीदार फरार झाले आहेत.