रामू ढाकणे 

छत्रपती संभाजीनगर : मेंढ्याची वाहतूक करणाऱ्या ट्रकला अपघात झाल्याची घटना छत्रपती संभाजीनगर जिल्ह्यातील मालेगाव महामार्गावरील वैजापूर तालुक्यात तलवाडा घाटात घडली. घाट रस्त्यात ट्रक उलटल्याने हा अपघात झाला आहे. या अपघातात जवळपास ८० ते ९० मेंढ्याचा मृत्यू झाला आहे. 

राजस्थान येथून मेंढ्या घेऊन जाणारा हा ट्रक हैदराबाद येथे जात होता. ट्रक वैजापूर तालुक्यातील तलवाडा घाटात आला असताना अपघात (Accident) झाला. रात्री पाऊस सुरू असल्याने वाहन चालकाला रस्त्याचा अंदाज आला नाही. यामुळे हा ट्रक रस्त्याच्या कडेला उलटला. यात मेंढ्याचा मृत्यू झाला आहे. तर यामध्ये चालक किरकोळ जखमी झाला. 

लाखोंचे नुकसान 

छत्रपती संभाजीनगर (Sambhajinagar) परिसरात पाऊस सुरु आहे. पावसामुळे रस्त्याचा अंदाज चुकल्याने हा अपघात झाल्याचा अंदाज आहे. या अपघातात मेंढ्यांचा मृत्यू झाल्याने मेंढी मालकाचे लाखो रुपयांचे नुकसान झाले आहे. काही मेंढ्या मात्र बचावल्या आहेत.