रामू ढाकणे 

छत्रपती संभाजीनगर : छत्रपती संभाजीनगर जिल्ह्यातील गंगापूरमध्ये भीषण अपघात झाला आहे. या (Accident) अपघातात बसने दुचाकीला धडक देत १०० फूट अंतरापर्यंत फरफटत नेले. यात तरुणाचा जागीच मृत्यू झाला आहे. (Sambhajinagar) ही थरारक घटना सीसीटीव्ही कॅमेरात कैद झाली आहे. (Latest Marathi News)

छत्रपती संभाजीनगर जिल्ह्यातील गंगापूर पोलीस (Police) ठाण्याच्या हद्दीत असलेल्या ढोरेगाव येथे राज्य परिवहन महामंडळाच्या बसने सुचला जोरदार धडक दिली. या अपघातग्रस्त दुचाकीवरून तिघेही न्यू हायस्कूल व उच्च माध्यमिक विद्यालय ढोरेगाव येथे बारावीत शिक्षण घेत होते. कॉलेज सुटल्यानंतर तिघे एकाच दुचाकीने ढोरेगाव रोड क्रॉस करत होते. अचानक मध्यभागी आले असता छत्रपती संभाजीनगरवरून फलटणच्या दिशेने निघालेल्या बसने दुचाकीला जोरदार धडक दिली. यामध्ये दोन विद्यार्थी दूर फेकले गेले. तर एक बसच्या खाली दुचाकीसह तब्बल १०० फूट अंतरापर्यंत फरपटत गेला. यात किरण दत्तात्रेय काजळे  (रा. आनंदवाडी) याचा जागीच मृत्यू झाला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अपघात सीसीटीव्ही कॅमेरात कैद 

संभाजीनगर जिल्ह्यातील ढोरेगाव येथे झालेल्या या अपघाताचे थरारक दृश्य रस्त्यावरील दुकानात लावण्यात आलेल्या (CCTV) सीसीटीव्ही कॅमेऱ्यात कैद झाला आहे. या अपघातात गौरव संतोष मिसाळ आणि गौरव संजय सुगदान (दोन्ही रा. भोयगाव) हे दोघे गंभीर जखमी झाले असून त्यानं पुढील छत्रपती संभाजीनगर येथील एका खाजगी रुग्णालयात दाखल करण्यात आले आहे.