sambhaji patil nilangekar vs abhay salunkhe, Nilanga Vidhan Sabha Exit Poll 2024 : निलंगा विधानसभा मतदारसंघात संभाजी पाटील निलंगेकर आणि अभय साळुंखे यांच्यामध्ये थेट लढत झाली. २० नोव्हेंबर रोजी मतदारांनी आपला कौल मतपेटीत बंद केला. आता शनिवारी राज्यात काय होणार, हे स्पष्ट होणार आहे. पण त्याआधीच एक्झिट पोलचा अंदाज समोर आला आहे. निलंगामध्ये भाजप उमेदवाराचे पारडे जड दिसत आहे.

लातूरमधील निलंगामध्ये भाजप आणि काँग्रेस यांच्यामध्ये थेट सामना झालाय. निलंगेच्या जनतेने आपला कौल भाजपच्या पारड्यात दिल्याचे एक्झिट पोलच्या आकड्यातून दिसतेय. निलंग्यात भाजप आणि काँग्रेस यांच्यामध्ये पारंपारिक लढत पार पडली. एक्झिट पोलनुसार, हा मतदारसंघ भाजपला जाण्याची शक्यता आहे. संभाजी पाटील निलंगेकर आणि अभय साळुंखे यांच्यातील लढतीकडे लातूरचे लक्ष लागलेय.

अभयकुमार साळुकें यांना पराभवाचा धक्का बसण्याची शक्यता आहे. संभाजी पाटील निलंगेकर तिसऱ्यांदा आमदार होण्याची शक्यता आहे. निलंग्यामध्ये मराठा समजाच्या मताचा मोठा फरक फडला.

निलंग्यातील देशमुख विरुद्ध निलंगे ही पारंपारिक लढतीकडे लातूरचं लक्ष लागले. अशोक पाटील निलंगेकर हे काँग्रेसचे दोन टर्मच्या उमेदवाराचे तिकीट कापल्यामुळे एक गट नाराज होता, याचा फटका काँग्रेसला बसण्याची शक्यता आहे. संभाजीपाटील निलंगेकर यांचा मोठा विजय होईल, असे बोलले जात आहे.

मनोज जरांगेंनी भाजपच्या उमेदवारांना पाडण्याचा इशारा दिलाय.. त्यामुळे सर्वाधिक मराठा उमेदवार देऊन भाजपने जरांगे फॅक्टरवर घाव घातलाय. मात्र भाजपच्या मराठा खेळीने जरांगे फॅक्टर निष्प्रभ होणार का? आणि मराठा समाजाला झुकतं माप दिल्यास इतर समाजाची नाराजी भोवणार का? याची उत्सुकता आहे.