- रणजीत माजगावकर

Kolhapur News : कोल्हापुरातील श्री अंबाबाई मंदिरात पश्चिम महाराष्ट्र देवस्थान समितीच्या वतीने लावण्यात आलेल्या दानपेटी शेजारीच खाजगी पुजारी बेकायदेशीर दानपेटी (दानपात्र) लावत असल्याच्या तक्रारी आल्या होत्या. त्यावर कोणतीच कारवाई होत नसल्याने आज (साेमवार) संभाजी ब्रिगेडच्या वतीने त्या परिसरात दान पत्र लावण्यात येणार आहे. (Maharashtra News)

या दानपात्रात जमा होणारी रक्कम ही गोरगरीब जनतेसाठी खर्च करण्यात येणार आहे अशी माहिती संभाजी ब्रिगेडने दिली. आज अंबाबाई मंदिर परिसरात दानपत्र आंदोलन (aandolan) करण्यात येत आहे.

आंदाेलकांची घाेषणाबाजी

महाद्वार परिसरात संभाजी ब्रिगेडच्या कार्यकर्त्यांच्या वतीने जोरदार घोषणाबाजी करण्यात आली. महाद्वार परिसरात या आंदोलकांनी ठिय्या आंदोलन करून जोरदार घोषणाबाजी केली. हे आंदोलन करणाऱ्या संभाजी ब्रिगेडच्या कार्यकर्त्यांना पोलिसांनी ताब्यात घेतले.

निलेश सुतार (संभाजी ब्रिगेड) म्हणाले कोल्हापुरातील श्री अंबाबाई मंदिरात पश्चिम महाराष्ट्र देवस्थान समितीच्या वतीने लावण्यात आलेल्या दानपेटी शेजारीच खाजगी पुजारी बेकायदेशीर दानपेटी (दानपात्र) लावत असल्याच्या तक्रारी आमच्याकडे प्राप्त झाल्या.

प्रशासनाचे दुर्लक्ष

त्यावर कारवाई व्हावी यासाठी आम्ही गेले अनेक दिवसांपासून मागणी करीत आहाेत परंतु त्याकडे (kolhapur) प्रशासनाने दुर्लक्ष केले. दरम्यान आज संभाजी ब्रिगेडच्या वतीने त्या परिसरात दान पत्र लावून दानपात्रात जमा होणारी रक्कम ही गोरगरीब जनतेसाठी खर्च करण्यात येणार आहे असे सुतार यांनी स्पष्ट केले.

Edited By : Siddharth Latkar