Rohit Pawar Protest: राष्ट्रवादी काँग्रेस पक्षाचे नेते रोहित पवार यांनी विधान भवन परिसरात आंदोलन पुकारलं आहे. छत्रपती शिवाजी महाराज यांच्या पुतळ्याखाली बसून रोहित पवार आंदोलन करत आहेत. (Latest Marathi News)

कर्जत जामखेड मतदारसंघात पाटेगाव खंडाळा या ठिकाणी औद्योगिकक्षेत्र स्थापन करण्याचा प्रस्ताव शासन स्तरावर प्रस्तावित आहे. या औद्योगिक क्षेत्राची अधिसूचना जाहीर करून या संदर्भातील बाबी पूर्ण करण्याकरिता उद्योग मंत्र्यांना रोहित पवार यांनी पत्रव्यवहार केला. तसेच लवकरच अधिसूचना काढण्याची मागणी केली.

मात्र आता शासन स्तरावर कारवाई होत नसल्याने रोहित पवार विधान भवनातील छत्रपती शिवाजी महाराज यांच्या पुतळ्याखाली आंदोलन करत आहेत. अधिसूचना तातडीने जाहीर व्हावी अशी मागणी रोहित पवारांनी केली आहे.

गिरीष महाजन आणि चंद्रकांत पाटील देखील रोहित पवारांजवळ पोहचले आहेत. रोहित पवारांची समजूत घालण्याचा ते प्रयत्न करतायत. धोधो पाऊस बरसत असताना देखील भरपावसात रोहित पवारांचे हे आंदोलन सुरुच आहे.