ratnagiri news रत्नागिरी : गेल्या काही दिवसांपासून झालेल्या मुसळधार पावसाचा तिवरे गावाला जबर तडाखा बसला आहे. या गावातील एकूण तब्बल 6 ठिकाणी भूस्खलन झाल्याने गावकरी धास्तावले आहेत. (ratanagiri-landslide-tivre-village-sml80)

फणसवाडीसह गावातील अन्य 100 घरांना डोंगराच्या वरील भागास मोठ्या भेगा गेल्याने धोका निर्माण झालेला आहे. पुराच्या पाण्यात भेंद वाडीतील पुलही वाहून गेला आहे. त्यामुळे पलीकडच्या वाडीचा संपर्क तुटला.

हा सर्व संभाव्य धोका लक्षात घेऊन गावकऱ्यांचे तात्पुरते स्वरुपात समाज मंदिरात स्थलांतर करण्यात आले आहे मात्र व्यवस्था नसल्याने पावसाचा अंदाज घेऊन ग्रामस्थ पुन्हा आपल्या घरात राहात असल्यामुळे चिंता वाढली.

तिवरे गावात जाणारे अनेक पूल वाहून गेल्यामुळे गावात जाण्यासाठी प्रशासनाला देखील अडचणी येत आहेत.

Edited By : Siddharth Latkar