अमरावती: अमरावतीमध्ये आज दहीहंडी स्पर्धेचं आयोजन करण्यात आलं आहे. या दहीहंडीला राज्याचे उपमुख्यमंत्री देवेंद्र फडणवीस (Devendra Fadnavis) यांची प्रमुख उपस्थित राहणार आहेत. शिवाय बॉलिवूड स्टार देखील या दहीहंडी स्पर्धेसाठी उपस्थित असणार आहेत.

आजच्या या दहीहंडीच्या (Dahihandi) पार्श्वभूमीर राणा दाम्पत्यांकडून रक्तदान शिबीराचं आयोजन करण्यात आलं आहे. या रक्तदान शिबीरावेळी वेळी उपमुख्यमंत्री देवेंद्र फडणवीस यांची रक्ततुला करण्यात येणार होती मात्र ती रक्ततुला आता रद्द करण्यात आली आहे. मात्र, फडणवीस यांच्या वजनाएवढं रक्तदान केलं जाणार आहे.

पाहा व्हिडीओ -

दरवर्षीप्रमाणे विदर्भातील मोठी दहीहंडी (Dahi Handi 2022) म्हणून प्रसिद्ध असलेली अपक्ष आमदार रवी राणा (Ravi Rana) यांच्या युवा स्वाभिमान पार्टीची दहीहंडी आज रविवारी २१ ऑगस्ट रोजी साजरी करण्यात येत आहे. या कार्यक्रमात राज्याचे उपमुख्यमंत्री देवेंद्र फडणवीस यांची रक्ततुला देखील करण्यात येणार होती. मात्र, प्रोटोकॅालमुळे फडणवीस यांची रक्ततुला रद्द करण्यात आली आहे. मात्र, फडणवीस यांच्या वजना इतकं रक्तदान केलं जाणार आहे.

काँग्रेसकडून टीका -

राज्यात शेतकऱ्यांची परिस्थिती बिकट आहे आणि दुसरीकडे उपमुख्यमंत्र्यांची रक्ततुला केली जात आहे. इव्हेंट केले जात आहत. वेळ बरोबर नाही, शेतकरी मरतो आहे, महागाई वाढत आहे, बेरोजगारी वाढत आहे, त्यावर कोणी बोलेल की नाही, अशी टीका काँग्रेसच्या जेष्ठ नेत्या येशोमती ठाकूर यांनी केली केली होती.

रोहित पवारांनी केलेलं समर्थन -

रक्तदान असेल, अन्नदान असेल, हे मोठं दान आहे. चांगल्या हेतूने रक्ततुला करत असतील तर त्यात गैर नाही. पण लोकांकडून घेतलेले रक्त वाया जाणार नाही, याची काळजी संबंधीत संस्थेनं घेतली पाहिजे असं आमदार रोहित पवार म्हणाले.

Edited By - Jagdish Patil