Ahmednagar News : अहमदनगरमध्ये आगामी लोकसभा निवडणुकीत उमेदवारीवरुन रस्सीखेत होणार का? असा प्रश्न उपस्थित होत आहे. कारण माजी मंत्री आणि भाजप नेते राम शिंदे यांनी आगामी लोकसभा निवडणुकीसाठी इच्छूक असल्याचं म्हटलं आहे. मात्र राम शिंदे यांच्या भूमिकेमुळे भाजपचे विद्यमान खासदार सुजय विखे पाटलांचं काय होणार? असा सवाल उपस्थित झाला आहे.

लोकसभा 2019च्या निवडणुकीत सुजय विखे पाटील यांना निवडून आणण्यासाठी पालकमंत्री म्हणून माझ्यावर मोठी जबाबदारी होती. तेव्हा ती जबाबदारी पार पाडली. परंतु २०२४ च्या निवडणुकीत मी विधानसभा लढवणार आहे. (Political News)

पण मनाची तयारी ठेवली आहे की परिस्थिती आली तर लोकसभा देखील लढवायची. पक्षाचा आदेश पाळणारा मी कार्यकर्ता असल्याने आता यावेळी एक वर्षभराच्या तयारीनीशी लोकसभा लढवण्यासाठी देखील तयार आहे, असं राम शिंदे यांनी म्हटलं. (Latest Marathi News)

राम शिंदे यांनी लोकसभा निवडणूक लढवण्याची इच्छा व्यक्त केल्याने सुजय विखे पाटलांची चिंता वाढली आहे. सुजय विखे यांचा पत्ता कट होणार का? असा प्रश्नही उपस्थित होत आहे.

आगामी लोकसभा निवडणुकीसाठी खासदार सुजय विखे पाटील तयारीला लागले आहेत. सुजय विखे पाटील आणि राष्ट्रवादीचे पारनेरचे आमदार निलेश लंके यांच्यात लोकसभा निवडणुकीत लढत होईल अशी शक्यताही वर्तवली जात आहे. मात्र आता राम शिंदेंनी निवडणूक लढवण्याची इच्छा व्यक्त केल्याने सुजय विखे पाटील यांचं टेन्शन वाढले आहे.