- रणजीत माजगावकर

Sangli News : इचलकरंजी इथं आज स्वाभिमानी शेतकरी संघटनेचे नेते माजी खासदार राजू शेट्टी यांनी 72 तासाचे अन्नत्याग व आत्मक्लेश आंदोलन सुरू केले आहे. मणिपूर इथं झालेले घटनेच्या निषेधार्थ तसेच दिल्ली इथं महिला कुस्तीपटूंवर झालेल्या अत्याचाराच्या विरोधात राजू शेट्टींनी हे आंदोलन सुरू केले आहे. (Maharashtra News)

यावेळी त्यांनी राष्ट्रपती द्रोपदी मुर्मू यांना पत्र लिहून झालेले घटनेचा निषेध व्यक्त केला आहे. मणिपूर सरकार बरखास्त करावे अशी मागणी त्यांनी राष्ट्रपती यांच्याकडे केली आहे. पंतप्रधान नरेंद्र मोदी 72 दिवसांनी बोलतात हे देशासाठी लाजिरवाणी गोष्ट आहे.

केंद्र सरकारने आणि राज्य सरकारने दोषींवर कडक कारवाई करावी तसेच संविधान वाचण्यासाठी जनतेची माफी मागावे अशी मागणी राजू शेट्टी यांनी केलेली आहे. या आंदाेलनात (aandolan) माेठ्या संख्येने स्वाभिमानी संघटनेचे कार्यकर्ते, पदाधिकारी तसेच नागरिक सहभागी झाले आहेत.

मणिपूरसहित देशातील इतर ठिकाणी महिलांच्यावर अत्याचार करणारे मोकाट सुटलेले असताना जबाबदार नागरीक या नात्याने प्रायश्चित म्हणून इचलकरंजी येथे महात्मा गांधी पुतळ्याशेजारी ७२ तासांचे आत्मक्लेश अन्नत्याग सत्याग्रहास सुरवात केल्याचे शेट्टी (raju shetti) यांनी नमूद केले.

Edited By : Siddharth Latkar