अमित ठाकरेंसमोर उमेदवार देऊन राज ठाकरेंची कोंडी करणाऱ्या एकनाथ शिंदेंनी शिवतीर्थवर स्नेहभोजनासाठी हजेरी लावली आणि तब्बल दीड तास चर्चा केली.. त्यानंतर पुन्हा एकदा राज ठाकरे महायुतीत सहभागी होण्याच्या चर्चांनी जोर धरलाय. मात्र ही भेट वैयक्तिक असल्याचं स्पष्टीकरण मनसे आणि शिंदे गटाकडून देण्यात आलंय...

लोकसभा निवडणुकीत राज ठाकरेंनी महायुतीला बिनशर्त पाठींबा दिला होता... मात्र विधानसभा निवडणुकीत महायुती शिंदेंना मदत करण्याची आशा असतानाच शिंदेंनी थेट अमित ठाकरेंसमोरच उमेदवार दिला... त्यामुळे राज ठाकरेंची कोंडी झाली आणि अमित ठाकरेंचा पराभव झाला... त्यामुळे ठाकरे आणि शिंदेंमधील संबंध चांगलेच ताणले गेले होते.. दरम्यान राज ठाकरे आणि उद्धव ठाकरे यांच्यातील युतीच्या चर्चांना वेग आला. नेमकं हेच टायमिंग साधत शिंदेंनी डाव टाकलाय.. मात्र या भेटीमागची कारणं काय आहेत? पाहूयात....

विधानसभेत आलेला दुरावा कमी करण्याचा प्रयत्न

मुंबईत मराठी मतांवर मनसेचा प्रभाव

BMC जिंकण्यासाठी सेना-मनसे एकत्र येणार

उद्धव ठाकरेंना रोखण्यासाठी मुंबई आणि ठाण्यात मदत होणार

राज-शिंदेंमध्ये हिंदूत्व आणि बाळासाहेबांचे विचार हा महत्वाचा धागा

महायुतीत वजन वाढवण्यासाठी शिंदेंकडून मोर्चेबांधणी

विधानसभा निवडणुकीत राज्यभरात ठाकरे गटाची धुळधाण उडाली... मात्र मुंबईत 20 पैकी 10 जागा जिंकण्यात यश मिळालं.. त्यामुळे मुंबईवर ठाकरेंचा प्रभाव कायम असल्याचं स्पष्ट झालंय. तर मनसेलाही विधानसभा निवडणुकीत मुंबईत 10 लाख मतं मिळाली आहेत...त्यामुळे मुंबई महापालिका निवडणुकीच्या पार्श्वभुमीवर हे बेरजेचं राजकारण सुरु आहे.. मात्र राज ठाकरे शिंदेंचा प्रस्ताव स्वीकारुन महायुतीत सहभागी होणार की एकला चलो चा नारा बुलंद करणार? याकडे लक्ष लागलंय...