- अक्षय बडवे

Raj Thackeray News : जागतिक व्यंगचित्रकार दिनानिमित्त आज (शुक्रवार) पुण्यात आयाेजिलेल्या व्यंगचित्र महोत्सवाचे उद्घाटन मनसे अध्यक्ष राज ठाकरे (Raj Thackeray) यांच्या हस्ते झाले. त्यावेळी राज ठाकरे यांनी व्यंगचित्रांची पाहणी करुन चित्रकरांचे काैतुक केले. यावेळी उपस्थितांनी ठाकरेंना व्यंगचित्र काढण्याचा आग्रह केला. त्यानंतर ठाकरेंनी पेन्सिल हाती घेतली. यावेळी राज ठाकरे काय व्यंगचित्र काढणार याची उत्सुकता सर्वांनाच लागली. (Breaking Marathi News)

राज ठाकरे व्यंगचित्र काढत असताना अनेक जण ते नेमकं काय काढत आहेत याचा अंदाज बांधत हाेते. काेणी म्हणत हाेते शरद पवार साहेब काढताहेत तर काेणी अन्य नेत्याचे नाव घेत हाेते. सातत्याने अनेक जण ते काढताहेत यासाठी डाेकावत हाेते.

राज यांनी अवघ्या काही सेकंदात एक व्यंगचित्र काढले. त्यानंतर त्यांनी पेन्सिल देत असतानाच एकाने काही तरी लिहा असे म्हणताच त्यांनी पुढे काय लिहू गप्प बसा असे म्हणताच एकच हशा पिकला.

यावेळी राज ठाकरे म्हणाले खूप काही दिवसांपासून सवय माेडली आहे. सगळ्यांसमोर व्यंगचित्र काढण्याची सवय नाही. आज जजमेंट आलं नाही. जे आहे ते गोड माना असेही ठाकरेंनी नमूद केले.

दरम्यान राज ठाकरे यांना राज्याचे विराेधी पक्ष नेते अजित पवार यांचे चित्र काढायचे हाेते असा सूर समाज माध्यमातून उमटला.

Edited By : Siddharth Latkar