रायगड जिल्हा परिषदेच्या सत्ता समीकरणाचा पेच अखेर सुटलाय... भाजपने चक्क शिंदेसेनेला बाजूला करत दादांच्या राष्ट्रवादीशी हातमिळवणी केल्याची चर्चा आहे...त्यामुळे राज्यात ज्या महायुतीच्या जोरावर सत्ता चालवली जातेय, त्याच महायुतीत रायगडमध्ये मोठी ठिणगी पडलीय...एकीकडे विधानभवनाच्या परिसरात भाजप प्रदेशाध्यक्ष रवींद्र चव्हाण, शिंदेसेनेचे मंत्री उदय सामंत आणि भरत गोगावले यांच्यात चर्चा झाली... मात्र या चर्चेतूनही शिंदेसेनेच्या हाती काहीच पडलं नाही....त्यामुळे रायगडचा गड जिंकण्यासाठी भाजपने रचलेल्या या चक्रव्यूहात शिंदेसेना विरोधी बाकावर बसणार का? असा प्रश्न विचारल्यावर गोगावलेंनीही त्याची तयारी दाखवलीय...

रायगड झेडपीतील पक्षीय बलाबल कसं आहे आणि सत्तासमीकरणासाठी आकड्यांचं गणित कसं बसवण्यात आलयं...रायगड जिल्हा परिषदेत शिंदेसेनेला 21, अजितदादांच्या राष्ट्रवादीला 16, भाजपला 15, तर ठाकरेसेनेला 5 आणि काँग्रेसला 2 जागा मिळाल्यात... त्यामुळे बहुमतासाठी 30 जागा लागणार असून भाजप आणि राष्ट्रवादी एकत्र आल्यानं दोघांचे संख्याबळ 31 होतंय...

आता रायगड जिल्हा परिषदेत भाजपचा अध्यक्ष आणि राष्ट्रवादीचा उपाध्यक्ष बसणार असल्याची माहिती सूत्रांनी दिलीय... रायगड जिल्ह्यात मंत्री गोगावले आणि तटकरे समर्थकांमधील संघर्ष अनेकदा समोर आलाय... अशातच जिल्हा परिषदेच्या निकालानंतर भाजनं शिंदेसेनेला बाजूला सारत राष्ट्रवादीशी हातमिळवणी केल्यानं शिंदेसेनेची चांगलीच कोंडी झालीय.. आता राज्यात एकत्र असलेले पक्ष जिल्हा परिषदेत आमनेसामने आल्यामुळे भविष्यात रायगडचं राजकारण कोणत्या दिशेनं जाणार? सत्तेचा हा नवा पॅटर्न महायुतीसाठी धोक्याची घंटा ठरणार? हे पाहणं महत्त्वाचं ठरणार आहे...