सिद्धेश म्हात्रे

ST Bus Accident: मुंबई-गोवा महामार्गावर शिवशाही एसटी बसला अपघात भीषण अपघात झाला आहे. शिवशाही बस महामार्गावर रस्त्याशेजारी उलटली. या अपघातात एका प्रवाशाचा मृत्यू झाला आहे. तर 22 प्रवासी जखमी झाले आहेत. (Raigad News)

मिळालेल्या माहितीनुसार, अपघातग्रस्त शिवशाही बस पनवेलहून-महाडच्या दिशेने निघाली होती. बसमधून एकूण 40 प्रवासी प्रवास करत होते. मात्र कर्नाळा घाट परीसरात या बसला भीषण अपघात झाला. बसच्या चालकाचे बसवरील नियंत्रण सुटल्याने हा अपघात झाल्याची प्राथमिक माहिती मिळत आहे. (Latest News Update)

घटनेची माहिती मिळताच पोलिस आणि प्रशासन घटनास्थळी दाखल झाले. समधील 40 पैकी 22 प्रवासी जखमी झाले असून एका प्रवाशाचा मृत्यू झाला आहे. जखमींना तातडीने जिल्हा रुग्णालय पनवेल व एमजीएम रुग्णालय कामोठे येथे उपचारासाठी दाखल करण्यात आले आहे. अपघातातनंतर काही वेळ महामार्गावरील वाहतूकही विस्कळीत झाली होती.