सचिन कदम

Raigad News:

राष्ट्रवादी काँग्रेस पक्षामधून एक मोठी बातमी समोर आली आहे. रायगडमध्ये राष्ट्रवादीला धक्का बसला आहे. बड्या पदाधिकाऱ्याने राष्ट्रवादीची साथ सोडत शिवसेना शिंदे गटात प्रवेश केला आहे. (Latest Marathi News)

राष्ट्रवादी काँग्रेसचे खंदे समर्थक आणि माणगावमधील निजामपुर ग्राम पंचायतीचे सरपंच राजाभाऊ रणपिसे यांनी काल शिवसेनेच्या शिंदे गटात प्रवेश केला. माणगाव तालुक्यातील विळे भागाड MIDC क्षेत्रात येणाऱ्या गावांना पिण्याचे पाणी, बेरोजगारीची मोठी समस्या होती.

उद्योग मंत्री उदय सामंत आणि आमदार भरत गोगावले यांनी येथील ग्रामस्थांसाठी 21 कोटी रुपयांची नळपाणी पुरवठा योजना मंजुर केली आणि या नळ पाणी पुरवठा योजनेचे भूमिपूजन देखील केले. या कार्यप्रणालीवर विश्वास ठेवत राष्ट्रवादीचे खंदे समर्थक आणि निजामपुरचे सरपंच राजाभाऊ रणपिसे यांनी पंचक्रोशीतील शेकडो ग्रामस्थांसोबत शिवसेनेत प्रवेश केला.

या प्रवेशामुळे भरत गोगावले यांच्या मताधिक्यात मोठी वाढ होईल असा अंदाज वर्तवण्यात येत आहे. राष्ट्रवादीत फूट पडून अजित पवारांनी भाजप आणि शिंदे गटासह सत्तेत प्रवेश केला. त्यानंतर राष्ट्रवादीला आता पुन्हा एकदा रायगडमधून मोठा धक्का बसला आहे.