- राजेश भोस्तेकर

रायगड : गावठी कट्टा विक्रीस घेऊन जाणाऱ्या कर्जत (karjat) येथील तिघांना स्थानिक गुन्हे अन्वेषण पथकाने (local crime branch) अटक (arrest) केली आहे. रवींद्र आनंद वैद्य, सौरभ सुनील नवले आणि सुनील त्र्यंबक वाठोरे अशी अटक केलेल्यांची नावे आहेत. (karjat latest crime news)

कर्जत नेरळ मार्गे बदलापूर येथे गावठी कट्टा विक्री करण्यासाठी दाेघे जाणार आहेत अशी माहिती एलसीबीचे राजेश पाटील यांना खबऱ्यांने दिली. त्यानंतर एलसीबीचे पोलीस उपनिरीक्षक महेश पाटील यांच्या मार्गदर्शनाखाली पोलीस निरीक्षक दयानंद गावडे यांनी पथक तयार करुन रचलेल्या सापळ्यात संशयित आराेपी सापडले. त्यांच्याकडू एक गावठी कट्टा आणि दोन जिवंत काडतुसे जप्त केली.

यावेळी संशयित आराेप रवींद्र वैद्य आणि सौरभ नवले यांनी पंचशील नगर, गुडगे, कर्जत येथे राहणाऱ्या सुनील वाठोरे याच्याकडून गावठी कट्टा आणल्याचे सांगितले. त्यानूसार पाेलिसांनी तिघांना अटक केली. एलसीबीच्या पथकात यशवंत झेमसे, प्रतीक सावंत, अमोल हंबीर, देवराम कोरम, राकेश पाटील यांचाही समावेश हाेता. कर्जत पोलीस ठाण्याचे उपनिरीक्षक महेश धोंडे पुढील तपास करीत आहेत.

Edited By : Siddharth Latkar