- राजेश भोस्तेकर

रायगड : दुर्गराज किल्ले रायगडवरील (raigad) मदार मोर्चा येथील प्रकाराबाबत संभाजीराजे छत्रपती (sambhajiraje chhatrapati) यांनी पुरातत्व विभागाला पत्र दिल्यानंतर तेथे सुरु असलेले काम तात्काळ थांबविण्यात आले आहे. (raigad fort illegal construction stopped immediately after letter from sambhajiraje chhatrapati)

किल्ले रायगडाच्या पायरीच्या मार्गावर मदर मोर्चा (madar morcha) हे ठिकाण आहे. गेल्या काही दिवसांपूर्वी अज्ञात लोकांनी या ठिकाणी हिरवे कापड, फुलांची चादर, पांढरा रंग देऊन अनधिकृत प्रार्थना स्थळ बनवण्याचा प्रयत्न सुरु केला. हा प्रकार सोशल मिडीयावर (Social Media) मांडत अनेकांनी नेमके तिथे काय सुरु आहे असा प्रश्न उपस्थित केला हाेता. खासदार संभाजीराजे छत्रपती (yuvraj sambhajiraje chattrapati) यांच्यापर्यंत देखील या प्रकाराची माहिती पाेहचली. राजेंनी पूरातत्व खात्यास पत्राद्वारे हा प्रकार तात्काळ थांबविण्यात यावा अशी मागणी केली.

खासदार संभाजीराजे छत्रपती (sambhajiraje chhatrapati) यांच्या पत्राची केंद्रीय पुरातत्त्व विभागाच्या महासंचालिका विद्यावती जी व मुंबई विभागाचे अधीक्षक पुरात्वशास्त्रज्ञ राजेंद्र यादव यांनी तातडीने दखल घेतली. सध्या पुरातत्त्व विभागाने मदार मोर्चा (Raigad Fort Madar Morcha) येथील रंगरंगोटी हटवून ते ठिकाण पूर्ववत केलेले आहे. याबराेबरच या ठिकाणी आता सुरक्षा रक्षकाची देखील नेमणूक करण्यात आलेली आहे.

edited by : siddharth latkar