सचिन कदम, साम टीव्ही

रायगड: येथे बाप आणि मुलीच्या नात्याला काळीमा फासणारी संतापजनक घटना घडली आहे. बापानेच आपल्या दोन अल्पवयीन मुलींवर लैंगिक अत्याचार केल्याचागंभीर आरोप करण्यात आला आहे. या प्रकरणी मुलींच्या आईने पतीविरोधात माणगाव पोलिस ठाण्यात तक्रार दाखल केली आहे.

पोलिसांनी दिलेल्या माहितीनुसार, आरोपीने 2024 ते जून 2026 या कालावधीत आपल्या 11 आणि 14 वर्षीय मुलींवर वेळोवेळी अत्याचार केल्याचा आरोप आहे. या नराधमाने वेगवेगळ्या ठिकाणी नेऊन आपल्या मुलींवर बलात्कार केलाय. पाबरा, म्हसळा, तळा, माणगाव आणि सातारा या ठिकाणी नेऊन अत्याचार केल्याचे तक्रारीत आहे.

या प्रकरणी आरोपीविरोधात पोक्सो कायदा तसेच भारतीय न्याय संहितेच्या संबंधित कलमान्वये गुन्हा दाखल करण्यात आला आहे. या गंभीर प्रकरणाचा पोलिस अधिक तपास करत आहे.