सचिन कदम, रायगड

एकीकडे महाराष्ट्रात भोंदू बाबांचे घाणेरडे कृत्य समोर येत असताना दुसरीकडे गुरु शिष्याच्या नात्याला काळीमा फासणारी घटना समोर आली आहे. रायगडच्या महाडमध्ये खाजगी शिकवणीच्या शिक्षकाने १०वीत शिकणाऱ्या मुलावर अत्याचार केले आहेत. या प्रकाणी महाड शहर पोलिस ठाण्यात बालकांचे लैंगिक अत्याचारापासून संरक्षण अधिनियमानुसर तक्रार दाखल करण्यात आली आहे. या घटनेने पालकांमध्ये संतापाचे वातावरण निर्माण झाले आहे.

मिळलेल्या माहितीनुसार, सदर घटना २०२४-२५ मध्ये घडली आहे. यावेळेस पीडित मुलगा १०वीच्या वर्गात शिकतं होता. त्याने शिक्षक सुनिल गांधी याच्याकडे खाजगी क्लास लावले होते. या शिकवणीला जाताना सुनिल गांधी या लिंग पिसाट शिक्षकाने मुलावर अमानुष अत्याचार केले.

या वेळी शिक्षकाने मुलाच्या गुप्तांगाला हात लावत त्याला उत्तेजित करून अमानवी कृत्य केले. नराधम शिक्षक इतक्यावरच न थांबता त्याने क्लासच्या वरती स्वतःच्या बेडरूममध्ये नेऊन पीडित मुलाच्या अंगावर झोपून अश्लिल चाळे केले असल्याचे मुलाने म्हटले. याप्रकरणी महाड शहर पोलिस ठाण्यात बालकांचे लैंगिक अत्याचारापासून संरक्षण अधिनियमानुसर तक्रार दाखल करण्यात आली आहे.

तसेच या शिक्षकाच्या अटकेबद्दल पालकांकडून जोरदार मागणी होत असून पालकांनी संताप व्यक्त केला आहे. दरम्यान आता या शिक्षकाला काय शिक्षा होणार? हे पाहणं महत्त्वाचं ठरेल. या प्रकरणाने विद्यार्थ्यांच्या सुरक्षिततेवर प्रश्नचिन्ह उपस्थित करण्यात आले आहे.