भरत मोहळकर, साम टीव्ही, प्रतिनिधी

Udayanraje Bhosale : राहुल सोलापूरकरांनी छत्रपती शिवाजी महाराजांविषयी वादग्रस्त वक्तव्याचे तीव्र प़डसाद उमटले. दुसऱ्या दिवशी मात्र हे प्रकरण निवळण्याऐवजी आणखीच चिघळलं..कारण छत्रपती शिवाजी महाराजांचे वंशज खासदार उदयनराजेंनी राहुल सोलापूरकरांना गोळ्या घालण्याची भाषा केलीय.

उदयनराजे एवढ्यावरच थांबले नाहीत. तर इतिहास बदलण्याचा प्रयत्न करणाऱ्या अशा प्रवृत्तींना शोधून ठेचून काढायला हवं अशी उद्विग्न भावनाही त्यांनी व्यक्त केली. एवढंच नाही तर त्यांनी सोलापूरकरांवर देशद्रोहाचा गुन्हा दाखल करण्याची मागणी केली. दरम्यान वाद टोकाला गेल्यामुळे राहुल सोलापूरकरांनी आपल्या वादग्रस्त विधानाबाबत शिवप्रेमींची माफी मागितली आहे.

आधी भाजप नेते सुधांशू त्रिवेदी त्यानंतर माजी राज्यपाल भगतसिंह कोश्यारी यांच्यासह अनेक नेते अभिनेत्यांनी महापुरुषांवर चिखलफेक केलीय. आता उदयनराजेंनी आक्रमक भूमिका घेतल्यामुळे सरकार सोलापूरकरांवर काय कारवाई करणार याकडे लक्ष्य लागलंय.