Maharashtra Election Result Saam tv
महाराष्ट्र

Maharashtra Election Result : 'महायुतीचे सरकार बनण्यामागे लाडक्या बहिणींचा मोठा हात'

Radha Krishna Vikhe Patil on Maharashtra Election Result : नगरमध्ये महायुतीच्या उमेदवारांची सरशी पाहायला मिळत आहे. राधाकृष्ण विखे पाटील यांच्यासह अनेक उमेदवार आघाडीवर आहेत.

Vishal Gangurde

सचिन बनसोडे, साम टीव्ही

शिर्डी : राज्यात विधानसभा निवडणुकीच्या मतमोजणीत महाविकास आघाडीला मोठा धक्का बसला आहे. मतमोजणीच्या सुरुवातीच्या कलात महायुतीने महाविकास आघाडीला मोठा धक्का दिला आहे. महाविकास आघाडीच्या दिग्गज नेत्यांना फटका बसताना दिसत आहे. महायुतीने थेट विजयाकडे वाटचाल सुरु केली आहे. शिर्डीतही भाजपचे राधाकृष्ण विखे पाटील हे देखील विजयाच्या उंबरठ्यावर आहेत. यावर भाजप नेते राधाकृष्ण विखे पाटील यांनी पहिली प्रतिक्रिया दिली आहे.

राज्याच्या निवडणुकीचे मतमोजणीत महायुतीचे २१७ उमेदवार आघाडीवर आहेत. महायुतीच्या अनेक उमेदवारांनी विजयाकडे वाटचाल केली आहे. शिर्डीतही भाजपचे राधाकृष्ण विखे पाटील आघाडीवर आहेत. विखे पाटील बाराव्या फेरी अखेर ३४,७९९ मतांनी आघाडीवर आहेत. तर काँग्रेसच्या प्रभावती घोगरे पिछाडीवर आहेत. राधाकृष्ण विखे पाटील हे आघाडीवर जाताच त्यांच्या कार्यकर्त्यांनी जल्लोषाला सुरुवात केली आहे. यावेळी राधाकृष्ण विखे पाटील आणि सुजय विखे पाटील यांनी हस्तांदोलन करत गळाभेट घेतली.

यावर मतमोजणीवर विखे पाटील म्हणाले, माझा विजय मतदारसंघातील जनतेला समर्पित आहेत. सुजयने माझ्यासाठी खूप मेहनत घेतली. खरंतर महायुतीचे सरकार बनण्यामागे लाडक्या बहिणींचा मोठा हात आहे. देवेंद्र फडणवीस मुख्यमंत्री व्हावेत, अशी आमची इच्छा आहे. संजय राऊत यांना महाविकास आघाडीने बाहेर काढलं पाहिजे'.

दरम्यान, नगरमध्येही महायुतीचे उमेदवार आघाडीवर असल्याचे दिसत आहे. नगर शहर मतदारसंघात महायुतीचे संग्राम जगताप आघाडीवर आहेत. तर महाविकास आघाडीचे अभिषेक कळमकर पिछाडीवर आहेत. संगमनेर विधानसभा मतदारसंघातही बाराव्या फेरीनंतर महायुतीचे अमोल खताळ आघाडीवर आहेत. तर बाळासाहेब थोरात पिछाडीवर आहेत. पारनेर विधानसभा मतदारसंघात महायुतीचे उमेदवार काशिनात दाते आघाडीवर आहेत. आठव्या फेरीत दाते यांना ४७२५ मतांनी आघाडीवर आहेत. तर महाविकास आघाडीच्या राणी लंके पिछाडीवर आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Beed Shocking : तरुण डॉक्टरची इंजेक्शन घेऊन आत्महत्या; बीडमध्ये खळबळ

Nashik Honey Trap : नाशिक हनी ट्रॅप प्रकरणाची व्याप्ती वाढली; ७२ वरिष्ठ अधिकाऱ्यांसह डॉक्टर्स, व्यावसायिक अडकले

Maharashtra Live News Update: परभणी शहरासह जिल्ह्यात जोरदार पाऊस

Konkan Railway: गणेश भक्तांच्या सोयीसाठी कोकण रेल्वेची खास रो-रो सुविधा; जाणून घ्या संपूर्ण माहिती

Green Coffee : ग्रीन कॉफीने २ महिन्यात १७ किलो वजन झाले कमी, क्रिकेटपटू सरफराज खानने दिल्या सिक्रेट टिप्स

SCROLL FOR NEXT