मावळ (पुणे) : केंद्रीय मंत्री नारायण राणे यांना शिवसेनेने मोठे केले आहे. त्यांनी जबाबदारीने बोलावे, दिलेल्‍या मंत्रीपदाचा लोक कल्याणासाठी वापर करावा. नुसतं आपल बोल घेवड्या सारखं काही ही बरळू नये आणि लोकांच्या करमणुकीत भर घालू नये असा सूचक सल्ला मावळचे शिवसेना खासदार श्रीरंग बारणे यांनी राणे यांना लगावला आहे. (pune-news-maval-taluka-pawana-dam-mp-sreerang-barane-statment-and-target-narayan-rane)

मावळ आणि पिंपरी चिंचवड शहराला पाणीपुरवठा करणाऱ्या पवना धरण ९८ टक्के भरले. त्याबद्दल त्‍यांच्‍या हस्‍ते जलपूजन केले त्यावेळी ते बोलत होते.

मावळात पावसाने कृपादृष्टी दाखवल्याने संपूर्ण पिंपरी- चिंचवड शहरासह मावळला पाणी पुरवठा करणारे पवना धरणाची वाटचाल शंभरीकडे आहे. सध्या ९८ टक्के पाणीसाठा झाला आहे. मागील काही दिवसांपासून पावसाने धरण पाणलोट क्षेत्रात जोरदार पुनरागमन केल्याने धरण फुल्ल झालेय. गेल्या वर्षभरापासून पिंपरी चिंचवडकरांना दिवसाआड पाणी पुरवठा केला जात असून आता तरी पाणी कपातीचे संकट दूर होणार का? असा प्रश्न नागरिकांना पडला. मात्र पिंपरी चिंचवड शहरात सत्तेत असणारे भाजप हे निष्क्रिय ठरले आहे. अमृत योजना असेल किंवा चोवीस बाय सात ही योजना राबवल्या कोट्यावधी रुपये खर्च केले. पण शहराच एक वेळ सुद्धा पाणी पुरवठा करू शकत नाही. दुर्दैवाची गोष्ट अशी की अजूनही टँकरने पाणीपुरवठा करण्यात येत आहे.