पुणे : खडकवासला धरणातून उन्हाळी हंगामासाठी आवर्तन सोडण्यात आले आहे. असे असताना देखील धरणाच्या (Pune) उजव्या कालव्यातून विना अनुमती पाणी उपसा केला जात असल्याचे निदर्शनास आले. अशा पद्धतीने पाणी उपसा करणाऱ्या ३ शेतकऱ्यांवर (Farmer) जलसंपदा विभागाने कारवाई केली आहे. (Latest Marathi News)

खडकवासला (Khadakwasla) धरणातून ४ एप्रिलपासून उन्हाळी हंगामासाठी आवर्तन चालू आहे. आवर्तन चालू झाल्यानंतर जलसंपदा विभागाच्या कार्यकारी अभियंता श्वेता कुर्‍हाडे यांनी (Baramati) बारामतीचे प्रातांधिकारी वैभव नवाडकर आणि उपविभागीय पोलीस अधिकारी राठोड यांच्यासह कालवा परिसराची पहाणी केली. या पाहणी दरम्यान २३ एप्रिलला वरवंड, भिगवण आणि शिर्सुफळ येथील शेतकरी वरवंड आणि भिगवण येथे दरवाजा उघडून विनाअनुमती पाणी उपसा चालू असल्याचे निदर्शनास आले होते.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

खडकवासला उजव्या कालव्यातून विनाअनुमती पाणी उपसा करणार्‍या शिर्सुफळ येथील ३ शेतकर्‍यांवर कारवाई करण्यात आली आहे. आवर्तन चालू केल्यानंतर कालव्याच्या दोन्ही बाजूंनी विना अनुमती पाणी उपसा केला जातो. त्यावर आळा घालण्यासाठी जिल्हाधिकारी डॉ. सुहास दिवसे यांनी १४४ कलम लागू केले आहे.