अक्षय बडवे 

पुणे : पुणे पोलीस गुन्हे शाखेच्या सामाजिक सुरक्षा विभागाने कारवाई करत लोणी काळभोर परिसरातील (Pune) दारू भट्ट्यावरील ७ टाक्या उद्ध्वस्त केल्या आहेत. यात दारू बनविण्यासाठी असलेले ९१ हजार लिटर रसायन नष्ट केले असून यात तीन जणांना पोलिसांनी ताब्यात घेतले आहे. (Latest Marathi News)

पुणे पोलिस आयुक्त अमितेश कुमार यांच्या सूचनेनंतर पोलिसांची अवैध व्यसायावर करडी नजर आहे. याच दरम्यान पोलिसांना लोणी येथे हातभट्टी दारू (Liquor) तयार करण्यासाठी रसायन मोठ्या प्रमाणावर तयार केले जात असल्याची माहिती मिळाली होती. या माहितीच्या आधारे गुन्हे शाखेच्या पोलिसांनी (Pune Police) छापा टाकत त्या ठिकाणी असलेल्या ७ मोठ्या लोखंडी टाकीमध्ये एकूण ९१ हजार लिटर रसायन नष्ट केले आहे. ज्याची किंमत ३६ लाख आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांनी केलेल्या या कारवाईमध्ये ३ जणांना अटक केली आहे. यात हातभट्टी मालक शंकर तानाजी धायगुडे, शेखर मधुकर काळभोर व राहुल दामोदर बनसोडे यांच्याविरुद्ध महाराष्ट्र दारूबंदी कायदा अधिनियमानुसार लोणी काळभोर पोलीस स्टेशन येथे गुन्हा दाखल करण्यात आला आहे. या प्रकरणी पोलीस अधिक तपास करत आहेत.