पंढरपूर : पंढरपुरात तरुण कीर्तनकार महाराजाचा हृदयविकाराने (Heart Attack) निधन झालं आहे. तरुण कीर्तनकाराच्या निधनामुळे परिसरात हळहळ व्यक्त केली जात आहे. प्रसन्न महाराज बेलापुरकर असं महाराजांचं नाव आहे.

वारकरी संप्रदायातील तरुण अभ्यासू असणाऱ्या ह.भ.प.श्री. प्रसन्न महाराज बेलापुरकर अवघ्या 30 व्या वर्षी निधन झाले आहे. वारकरी संप्रदायातील तरुण महाराजांचे निधन झाल्याने वारकरी संप्रदायावर शोककळा पसरली आहे. (Latest Marathi News)

संत श्री निवृत्तीनाथ महाराज पालखी सोहळ्याचे ते प्रमुख मानकरी होते. वारकरी संप्रदायातील अत्यंत तरुण, निस्पृह अभ्यासू अशी त्यांची ओळख होती. लहानपणापासूनच त्यांना वारकरी संप्रदायाची शिकवण होती. त्यांच्या फडावर होत असलेल्या कुटुंबाची सेवेची परंपरा त्यांनी जपली होती.

आज त्यांना हृदयविकाराचा तीव्र धक्का बसला होता. यामध्ये त्यांची प्राण ज्योत मालवली आहे. त्यांच्या पश्चात आई , भाऊ असा परिवार आहे. आज सायंकाळी पंढरपूरमध्ये त्यांच्या पार्थिवावर अंत्यसंस्कार करण्यात आले.