सचिन गाड

Sanjay Raut News: शिंदे गट हा कोणताही पक्ष नाही. भारतीय जनता पक्षाने पाळलेला तो एक कोंबड्यांचा खुराडा आहे. या कोंबड्या अधीही कापल्या जातील. पक्ष म्हणून त्यांच्याकडे कोणतीही विचारधारा नाही. निवडणूक आयोगाने एक निर्णय विकत दिला म्हणून तो पक्ष होत नाही, अशी खरमरीत टीका संजय राऊतांनी शिंदे गटावर केली आहे. (Political News)

यावेळी भाजप या कोंबड्या अधीही कापेल, असं सूचक वक्तव्य देखील संजय राऊतांनी केलं आहे. शिवसेनेच्या शिंदे गटाची लोकसभेसाठी तयारी सुरु झाली आहे. यावेळी त्यांनी २२ ते २३ जागांची मागणी केली आहे. या सर्वांवर सुरु आसेल्या चर्चेवर संजय राऊतांनी आपलं मत व्यक्त करत शिंदे- फडणवीस सरकारवर तोंडसूख घेतलंय.

त्यांनी ४८ जागा लढाव्यात त्याने आम्हाला काहीही फरक पडत नाही. मागच्या म्हणजेच आताच्या लोकसभेत आमचे १९ खासदार आहेत. त्यापैकी महाराष्ट्रात १८ आणि दादरा नगर हवेलीत १ आहेत. त्यामुळे आमचा १९ खासदारांचा आकडा लोकसभेत कायम राहणार आहे, असं राऊतांनी यावेळी ठामपणे सांगितलंय.

निमंत्रण पत्रिकेत उपराष्ट्रपती राष्ट्रपती यांचं नावच नाही...

नव्या संसद भवनाच्या उद्घाटनावरून राऊतांनी पंतप्रधान नरेंद्र मोदींवर देखील टीका केली आहे. यावेळी ते म्हणाले की, हा विषय सर्वोच्च न्यायालयाचा नाही. हा विषय नैतिकतेचा आहे. भारतीय जनता पक्षाने आमची भूमिका समजून घेतली पाहिजे. संविधनाच्या आणि राष्ट्राच्या सन्मानाचा प्रश्न आहे, असं संजय राऊत म्हणाले.

तसेच पुढे त्यांनी म्हटलं की, निमंत्रण पत्रिकेत उपराष्ट्रपती राष्ट्रपती यांचं नावच नाही त्यांना निमंत्रण तरी द्या. का नाही बोलवत यावर कोणी बोलायला तय्यार नाही. हा फक्त एका पक्षाचा कार्यक्रम आहे की देशाचा कार्यक्रम आहे, असा प्रश्न संजय राऊतांनी भाजपला विचारला आहे.