राजकारणाचा एक नियम चावडीवर लिहलाय... एकीकडं बघायचं दुसरीकडं नेम धरायचा अन् तिसरा घायाळ... पण जर नेम चुकला तर तुमचा करेक्ट कार्यक्रम झाला म्हणून समजा... अन् तसा कार्यक्रम झालाय शिंदे गटाचा... ती पण आहिल्यानगरमधी... एकमद मोये मोये स्टाईल

त्याचं झालं असं राजकारणाच्या फिरलेल्या वाऱ्यात आपण बी आपली पतंग उडवुया असं मानात ठेवून अनेक नेत्यांनी निरनिराळ्या पक्षात प्रवेश करायचा धडाकाच लावलाय. त्यात मारुती मेंगाळ यांनी ठरवला शिंदे गट...

अन् दणक्यात शिंदेंच्या उपस्थितीत केला प्रवेश... आपल्यासंग सरपंच, ग्रामपंचायत सदस्य, पंचायत समिती सदस्य काय अन् नगरसेवक काय सगळी सोबत असल्याचा दावा केला. अन् जाहीर केली यादी... पण ज्यांची नावं यादीत त्यांनीच दिला धोका अन् राजकारणात साधला मोका

बघितलं का कसा असतू करेक्ट कार्यक्रम... आहो मंडळी, मेंगाळ कारभाऱ्याचा एक दोघांनी नाय तर 40 जणांनी केलाय गेम. जागेवर भिंगरी... एकाच दणक्यात लॉटमधी पक्ष प्रवेश होणार म्हणून हारकून गेलेल्या शिंदे गटाचा झाला हिरमोड.... शिंदे गटाच्या मंत्र्यावर घोटाळ्याचं आरोप तर होत्यात आता आता पक्षात पक्षप्रवेश घोटाळा झाल्याचं कळाल्यावर शिंदे गटानं लावलाय डोक्याला हात...

राजकारणात ज्याला मांजराचा वाघ अन् वाघाचं मांजर करता येतू ती सरस नाय तर शिकार झाली म्हणून समजा तशीच शिकार झाली शिंदे गटाची