Satara Breaking News : सलग सुट्यांमुळे पुणे-बंगळुरू महामार्गावर आज (शनिवार) साता-याच्या दिशेने पुण्याहून येणा-या वाहनांची माेठ्या प्रमाणात संख्या आहे. यामुळे या महामार्गावर अधून मधून वाहनधारकांना वाहतुक काेंडीस समाेरे जावे लागत आहे. याच महामार्गावर एक चार चाकी कॅनाॅलमध्ये पडली. या घटनेनंतर नागरिकांनी वाहनातील सर्वांचा जीव वाचविला. (Maharashtra News)

प्राथमिक माहितीनूसार खंबाटकी घाटा जवळ ही घटना घडली. येथे असणाऱ्या कॅनॉल मध्ये एक चार चाकी वाहन कोसळले. या वाहनात चार प्रवासी हाेते. कॅनॉल मध्ये पडलेले वाहन वाहून जाताना पोलिसांनी आणि नागरिकांनी सतर्कता दाखवल्याने पुढील दुर्घटना टळली.

या घटनेनंतर चौघांचा जीव वाचविण्यात नागरिकांना यश आले. चालकाचा वाहनावरील ताबा सुटल्याने ही घटना घडल्याची प्राथमिक माहिती उपलब्ध झाली आहे. ग्रामस्थांच्या धाडसामुळे या घटनेत कोणतीही जीवित हानी झाली नाही. पाेलिस घटनेचा तपास करीत आहेत.

Edited By : Siddharth Latkar